Pres-słužba UEFA nazvała trojku pretendentaŭ na zvańnie najlepšaha hulca minułaha siezona — u jaje ŭvajšli paŭabaronca «Reała» Łuka Modryč, forvard «Livierpula» Machamied Sałach, a taksama forvard Kryšcijanu Ranałdu, jaki ŭletku pierajšoŭ z «Reała» ŭ «Juvientus». Pieramožcu abvieściać 30 žniŭnia na losavańni hrupavoj stadyi novaha siezona Lihi čempijonaŭ.
U minułym siezonie Modryč vyjhraŭ u składzie «Reała» Lihu čempijonaŭ, a razam sa zbornaj Charvatyi zavajavaŭ srebnyja miedali čempijanatu śvietu ŭ Rasii. Ranałdu staŭ pieramožcam Lihi čempijonaŭ piaty raz u karjery, a taksama šosty raz zapar staŭ najlepšym bambardziram turniru, zabiŭšy 15 hałoŭ.
Sałach dajšoŭ z «Livierpulem» da finała Lihi čempijonaŭ, a taksama staŭ najlepšym bambardziram čempijanatu Anhlii, ustalavaŭšy novy rekord vynikovaści APŁ. Hulec zabiŭ 32 hały i pierasiahnuŭ dasiahnieńni Ałana Šyrera, Łuisa Suaresa i Ranałdu, jakija zabivali za siezon 31 miač.
U finalnuju trojku pretendentaŭ na pryz najlepšamu hulcu siezonu nie ŭvajšli paŭabaronca «Atletyka» Antuan Hryzman (pieramožca Lihi Jeŭropy i čempijon śvietu ŭ składzie zbornaj Francyi) i napadajučy «Barsiełony» Lijanel Miesi (najlepšy bambardzir čempijanatu Ispanii).
Pryz najlepšamu hulcu siezona pavodle viersii UEFA ŭručajecca z 2011 hoda. Uznaharodu moža atrymać hulec luboj nacyjanalnaści, jaki vystupaŭ u minułym siezonie za kłub jeŭrapiejskaha čempijanatu. Aceńvajecca vystupleńnie futbalistaŭ va ŭsich turnirach - nacyjanalnym čempijanacie, jeŭrakubkach i mižnarodnych matčach za zbornuju.
U vice-śpikierki Kaardynacyjnaj rady Lizaviety Prakopčyk sabrałasia $12 tysiač daŭhoŭ106
Kamientary