Staršynia Partyi BNF Ryhor Kastusioŭ ličyć, što dziaržava dvojčy za apošnija dva hady pakvapiłasia na jahonuju svabodu ŭdziełu ŭ mirnych schodach, piša spring96.org
U 2016 hodzie za mitynh na Dzień Voli ŭ Minsku sud Savieckaha rajona aštrafavaŭ na 20 bazavych vieličyniaŭ (420 rubloŭ) štrafu.
U lipieni 2018 hoda sud Partyzanskaha rajona aštrafavaŭ Kastusiova na 35 bazavych vieličyniaŭ (735 rubloŭ) za ŭdzieł u akcyi pratestu suprać dziejnaści zabaŭlalnaha kompleksu «Pojediem pojedim» pobač ź miescam pachavańnia achviar palityčnych represij u Kurapatach.
Palityk ličyć, što ŭ abodvuch vypadkach było parušana jaho prava na svabodu mirnych schodaŭ.
«Ja źviartaŭ uvahu sudoŭ, što mnie pastaŭleny ŭ vinu tolki sam fakt udziełu ŭ masavych mierapryjemstvach. Mnie nie vystaŭlenyja abvinavačańni, što ja svaim «udziełam» i jakimi-niebudź svaimi dziejańniami, kamandami i tłumačeńniami parušyŭ hramadski paradak abo jakija-niebudź pravy i svabody inšych asob, abo pakvapiŭsia na ich reputacyju, abo pahražaŭ nacyjanalnaj biaśpiecy, zdaroŭju i maralnaści nasielnictva,» — paviedamiŭ Kastusioŭ u skarzie.
Intaresy staršyni partyi BNF abaraniaje mahiloŭski pravaabaronca Barys Buchiel. Jon sa škadavańniem adznačyŭ, što na ŭzroŭni biełaruskaj dziaržavy Kastusiovu svaju pravatu dakazać nie ŭdałosia, bo ŭłady nie vykonvajuć svaich mižnarodnych abaviazacielstvaŭ. Zatoje na ŭzroŭni Kamiteta pa pravach čałavieka AAN, upeŭnieny pravaabaronca, atrymajecca damahčysia pośpiechu:
«KPČ pryniaŭ užo dziasiatki rašeńniaŭ pa padobnych kiejsach. Zaŭsiody jon ustavaŭ na bok hramadzian, pakolki dziejučaje nacyjanalnaje zakanadaŭstva i dziejańni ŭładaŭ nie dajuć biełarusam paŭnavartasna skarystacca pravam na svabodu mirnych schodaŭ,» — zajaviŭ Barys Buchiel.
Skarha ŭ Ženievu, dzie mieścicca ofis KPČ AAN, była adpraŭlena 24 vieraśnia.
Tamara Vińnikava pradała svoj łondanski dom, zaviešany karcinami samoj siabie ŠMAT FOTA23
Kamientary