Aŭtabłohier Alaksandr Maksimienia sutyknuŭsia ź biezzakońniem naŭprost pad dźviaryma suda. Letaś 28 červienia spadar Alaksandr pryjšoŭ u sud Maskoŭskaha rajonu stalicy, kab padtrymać svajho siabra, jaki sudziŭsia z DAI, paviedamlaje «Biełsat».
Alaksandr Maksimienia. Skrynšot: Biełsat.
«Ja vyjšaŭ z suda, voś tut byŭ pryparkavany moj aŭtamabil. Mnie treba było dastać niekatoryja dakumienty. Padjechaŭ sini «Ford Transit» z cyvilnymi numarami dziaržrehistracyi», — raspavioŭ nam aŭtabłohier.
Alaksandr bačyŭ, jak toj mikraaŭtobus jechaŭ za im pa darozie da suda i adrazu zapadozryŭ niadobraje. Jon kinuŭsia da budynku, za im pahnalisia ludzi ŭ cyvilnym. Jak vyjaviłasia paźniej — heta byli pradstaŭniki AMAPu.
«Adzin amapaviec schapiŭ mianie za ruku. Ja adnoj rukoj chacieŭ dastać telefon, kab uklučyć zapis. Druhi amapaviec zabraŭ adrazu telefon. I ŭsio, jany pad ruki paciahnuli mianie ŭ heny mikraaŭtobus», — uzhadvaje Alaksandr.
Zapis tych padziejaŭ zachavaŭsia na videarehistratary Alaksandra Maksimieni. Ale, niahledziačy na videazapis, sud pryniaŭ viersiju milicyjantaŭ. I pakaraŭ aŭtabłohiera aryštam na čatyrnaccać sutak — za niepadparadkavańnie zakonnym patrabavańniam milicyjantaŭ.
Pomsta milicejskich čynoŭnikaŭ?
Kali Alaksandr vyjšaŭ ź izalataru, abskardziŭ pastanovu suda. Pry čarhovym prahladzie zapisaŭ z rehistratara jon zrazumieŭ: mikraaŭtobus z amapaŭcami ŭ toj dzień pieraśledavaŭ jaho da suda Maskoŭskaha rajonu ad samaha domu.
Aŭtabłohier ličyć, što staŭ achviaraju pomsty z boku milicejskich čynoŭnikaŭ.
Letaś uzimku Alaksandra aštrafavali za zdymku razmovy z načalnikam DAI. Mužčyna zmoh davieści svaju pravatu i skasavać štraf, dajšoŭšy da Viarchoŭnaha Suda. Rašeńnie ahučyli niezadoŭha da jahonaha zatrymańnia ŭ červieni.
Taksama Alaksandr Maksimienia damohsia ŭ Viarchoŭnym Sudzie admieny pastanovy pra administratyŭny aryšt.
Chacia dva sudy papiarednich instancyjaŭ pakidali rašeńnie ŭ mocy. Ciapier błohier patrabuje praciahnuć razhlad jahonaje spravy, kab pakarać tych, chto jaje sfabrykavaŭ.
«Treba davieści hetuju spravu da kanca, znajści, chto heta arhanizavaŭ i navošta heta ŭsio», — ličyć Alaksandr.
Ale dziejničać treba chutka. Alaksandr moža stracić mahčymaść padać pazoŭ na kampiensacyju maralnaje škody, a hałoŭnaje — pryciahnuć vinavatych da adkaznaści.
Juryst Alaksiej Łojka źviartaje ŭvahu, što Viarchoŭny Sud pakul tolki admianiŭ rašeńnie suda Maskoŭskaha rajonu stalicy. Kančatkovy vynik spravy budzie na novym sudovym razbory.
«Ja b paraiŭ čałavieku, jaki apynuŭsia ŭ hetkaj situacyi, zrabić aŭdyjazapis nastupnaha pracesu. I na padstavie ŭsich materyjałaŭ, jakija jon maje zadakumientavać, źviarnucca ŭ prakuraturu, kab jana pravieryła, ci niama ŭ dziejańniach pradstaŭnikoŭ AMAPu, jakija davali pakazańni, administratyŭnaha pravaparušeńnia, jakoje praduhledžvaje adkaznaść za niepraŭdzivaje śviedčańnie», — raić juryst.
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim17
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3636
Kamientary