8 lutaha ŭ Vaŭkavysku zatrymali byłych palitviaźniaŭ Aŭtuchoviča (jon na fota) i Lavonava, a taksama ich kalehu pa biznesie. Pieratrusy adbylisia jašče prynamsi ŭ troch siemjach, źviazanych z rucham apazicyi.
8 lutaha ŭ Vaŭkavysku zatrymali byłych palitviaźniaŭ Mikałaja Aŭtuchoviča i Juryja Lavonava, a taksama ich kalehu pa biznesie Uładzimira Asipienku. Pieratrusy adbylisia jašče prynamsi ŭ troch siemjach, źviazanych z rucham apazicyi.
Brali ich na kvaterach i ŭ miascovym pryvatnym aŭtaparku, jaki kaliści zasnoŭvaŭ M.Aŭtuchovič i dzie jon ciapier pracuje prostym kiroŭcam. Zatrymlivali supracoŭniki hałoŭnaha ŭpraŭleńnia pa baraćbie z arhanizavanaj złačynnaściu MUS Biełarusi pry dapamozie bajcoŭ śpiecpadraździaleńnia pa baraćbie z teraryzmam «Ałmaz». U Vaŭkavysk źjechałasia kala saraka supracoŭnikaŭ hetych siłavych strukturaŭ.
«Ałmazaŭcy» minašukalnikam pravieryli nie tolki chaty, ale i aharody. U Aŭtuchoviča skanfiskavali taksama kamputar i asabistyja zapisy.
Zatrymanych pryvieźli ŭ Centr izalacyi pravaparušalnikaŭ na Akreścina ŭ Minsku.
Adna ź viersij – što byłych palitviaźniaŭ chočuć źvinavacić u padpale niedabudavanaha domu načalnika rajadździełu milicyi, što zdaryŭsia ŭ 2005 hodzie.Ź inšaha boku, nie vyklučana, što zatrymańnie M.Aŭtuchoviča – byłoha «afhanca», Ju.Lavonava i U.Aśpienki moža być źviazana z spravaj ab vybuchu ŭ Minsku 4 lipienia.
Na apošniaje pakazvaje toj fakt, što ŭ Vaŭkavysku abšukali nie tolki chaty troch zatrymanych, ale i jašče try siamji. Siarod ich ‑ byłoha deputata Viarchoŭnaha Savieta CHII sklikańnia, siabra partyi BNF Mikoły Aksamita. Jak paviedamlaje radyjo «Svaboda», žoncy byłoha deputata, Halinie Aksamit, paviedamili, što pieratrus adbyvajecca pa spravie vybuchu. Pavodle radyjo «Svaboda», akcyju pravodzili śledčyja ź Minsku j Horadni. Pieratrus adbyvaŭsia z 7.30 ranicy i amal da 14‑j dnia. Vobšuk rabili ŭ kvatery, na leciščy i ŭ haražy. I što ž?
Zabrali paśviedčańnie siabra BNF, ahitacyjnyja materyjały z apošniaj prezidenckaj vybarčaj kampanii, staryja haziety, dva bieł‑čyrvona‑biełyja ściahi.
Sam Mikałaj Aksamit užo niekalki hadoŭ pracuje za miažoj.
Ciapier čytajuć
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1717
Kamientary