Łeśli Najf: Troju ličyli vydumkaj, ale jaje znajšli. Šmat chto i Biełaruś ličyć vydumkaj
Frontmien lehiendarnaha biełaruskaha mietał-hurta Gods Tower Uładzisłaŭ Navažyłaŭ (Lesly Knife) dałučyŭsia da fłešmobu #Nočpaetaŭ. Muzyka pračytaŭ ŭryvak z «Ilijady» Hamiera, pierakładzieny na biełaruskuju movu Branisłavam Taraškievičam.
«Troju ličyli vydumkaj, ale jaje znajšli. Šmat chto j Biełaruś i biełaruskuju movu ličyć vydumkaj. Ale my jość, my tut. I my budziem tut», — napisaŭ Uładzisłaŭ Navažyłaŭ.
Fłešmob napiaredadni akcyi pamiaci «Noč rasstralanych paetaŭ», jakaja projdzie ŭ Kurapatach 29 kastryčnika, abviaściŭ u sacsietkach Źmicier Daškievič.
«Kožny moža paŭdzielničać va ŭšanavańni pamiaci niavinna zabitych patryjotaŭ Biełarusi, — napisaŭ jon u svaim fejsbuku. — Prychodźcie ŭ Kurapaty, zapisvajcie vieršy represavanych litarataraŭ i vykładajcie ŭ sietki pad cheštehami #Kurapaty i #Nočpaetaŭ,
achviarujcie srodki na mierapryjemstva i abaronu Kurapataŭ na płatformie Mołamoła».
Noč z 29 na 30 kastryčnika 1937 hoda — čornaja noč u historyi Biełarusi. Za adnu noč savieckija śpiecsłužby rasstralali bolš za sto pradstaŭnikoŭ biełaruskaj intelihiencyi — litarataraŭ, navukoŭcaŭ, dziaržaŭnych dziejačaŭ.
U 82-ju hadavinu Nočy rasstralanych paetaŭ adbudziecca ŭšanavańnie ich pamiaci ŭ Kurapatach.
«Heta nia akcyja i nia mitynh, — napisaŭ u fejsbuku Źmicier Daškievič. — Farmat — ścipły i hodny: buduć hučać adpaviednyja miescu i dacie śpievy, tvory represavanaj litaratury, malitvy. Dałučajciesia i zaprašajcie siabroŭ!»
Kamientary