Niechta: Čudziancoŭ dapamahaŭ mnie ŭ redaktury tekstaŭ dla kanała
Błohier Niechta (Ściapan Puciła) źviarnuŭsia da svaich čytačoŭ z admysłovym videazvarotam. Jon pryznaŭ, što zatrymany za narkotyki žurnalist Uładzimir Čudziancoŭ maje dačynieńnie da filma «Łukašenka. Kryminalnyja materyjały». Jak śćviardžaje Ściapan, 90% filma jon rabiŭ sam, a astatnija 10% jamu dapamahali žurnalisty, siarod jakich i Uładzimir Čudziancoŭ.
Taksama Čudziancoŭ dapamahaŭ Ściapanu z redakturaj tekstaŭ dla kanała Niechta. «Biaspłatna, pa svajoj voli», — zapeŭnivaje Puciła.
Žurnalist Uładzimir Čudziancoŭ byŭ zatrymany 21 listapada byŭ na punkcie propusku Brest — Ciarespal.
Jaho maci Nina Zujeva raskazała žurnalistam, što syn jechaŭ ciahnikom u Varšavu, dzie znajšoŭ pracu. A kali, maŭlaŭ, vyjšaŭ u prybiralniu, mytniki znajšli ŭ jaho ŭ sumcy pakiecik z narkatyčnym rečyvam. «Paśla adrazu praviali pieratrus u nas doma ŭ Minsku. Tut taksama znajšli niekalki pakietaŭ», — patłumačyła žančyna.
Uładzimir Čudziancoŭ zajmajecca žurnalistykaj z 1990-ch. Tady jon zajmaŭsia prałukašenkaŭskaj prapahandaj. Ź ciaham času, źmianiŭšy proźvišča, uładkavaŭsia na Tut.by. Paśla zvalnieńnia zasnavaŭ klikbejtny sajt by24.org, zaniaŭ radykalnuju antyrasijskuju pazicyju.
-
U čatach Kalinkavičaŭ raspaŭsiudžvajecca VIDEA, jakoje zafiksavała padzieńnie bieśpiłotnika
-
«Ja tupiŭ. I sumniavaŭsia. I rvaŭsia pamiž niekalkimi pačućciami. I ciapier mnie soramna». Kranalnaj historyjaj padzialiŭsia biełaruski śviatar
-
Praŭładny błohier pachvaliŭsia, što atrymaŭ śmiešny majomasny padatak. Ale ŭ kamientaryjach jaho prymusili raskryć praŭdu
U čatach Kalinkavičaŭ raspaŭsiudžvajecca VIDEA, jakoje zafiksavała padzieńnie bieśpiłotnika1
Kamientary