Erdahan pieratvaryŭ byłuju vizantyjskuju carkvu ŭ Stambule ŭ miačeć
Dziaržaŭnaja rada Turcyi (tak u krainie nazyvajecca viarchoŭny administracyjny sud) ŭ listapadzie razhledzieła spravu pra finansavańnie muzieja u byłoj carkvie Chora. Heta vizantyjski manastyr V st., jaki ŭ XVI st. staŭ miačećciu, u 1948 hodzie — muziejem z unikalnymi vizantyjskimi mazaikami.
Dziaržaŭnaja rada paćvierdziła isnujučuju ŭ Turcyi pravavuju normu, što miačeć nie moža być ničym inšym, jak miačećciu. Pra heta piša hazieta Yeni Şafak u artykule «Precedent dla Śviatoj Safii». Kali nie budzie inicyjavana i pryniata dadatkovych pravavych aktaŭ adnosna muzieja ŭ carkvie Chora, hety muziej vierniecca ŭ status miačeci. «Rašeńnie, jakoje pakłała šlach da pieraŭtvareńnia praz 74 hady muzieja ŭ miačeć, stanie precedentam dla Śviatoj Safii, jakaja źjaŭlajecca pradmietam pastajannych dyskusij», adznačajecca ŭ haziecie.
«Heta było majo ŭlubionaje miesca ŭ Stambule, dzie možna było adčuć, što heta kaliści byŭ lehiendarny Kanstancinopal. Razam z tym, stvarajecca i precedent — Śviataja Safija pavodle hetaj łohiki taksama musić być kanviertavanaja ŭ miačeć. Tym bolš, što ŭ sakaviku Erdahan publična paklaŭsia heta zrabić - ale raspačali praces z Chory», — vykazaŭ niezapakojenaść u svaim fejsbuku palitołah Alaksiej Łastoŭski.
Ciapier čytajuć
Na pratestancki fiestyval u «Čyžoŭku-Arenu» jedzie amierykanski prapaviednik Franklin Hrem. Razam ź im čakajuć Koŭła z žonkaj11
Kamientary