Эрдаган ператварыў былую візантыйскую царкву ў Стамбуле ў мячэць
Дзяржаўная рада Турцыі (так у краіне называецца вярхоўны адміністрацыйны суд) ў лістападзе разгледзела справу пра фінансаванне музея у былой царкве Хора. Гэта візантыйскі манастыр V ст., які ў XVI ст. стаў мячэццю, у 1948 годзе — музеем з унікальнымі візантыйскімі мазаікамі.
Дзяржаўная рада пацвердзіла існуючую ў Турцыі прававую норму, што мячэць не можа быць нічым іншым, як мячэццю. Пра гэта піша газета Yeni Şafak у артыкуле «Прэцэдэнт для Святой Сафіі». Калі не будзе ініцыявана і прынята дадатковых прававых актаў адносна музея ў царкве Хора, гэты музей вернецца ў статус мячэці. «Рашэнне, якое паклала шлях да пераўтварэння праз 74 гады музея ў мячэць, стане прэцэдэнтам для Святой Сафіі, якая з'яўляецца прадметам пастаянных дыскусій», адзначаецца ў газеце.
«Гэта было маё ўлюбёнае месца ў Стамбуле, дзе можна было адчуць, што гэта калісьці быў легендарны Канстанцінопаль. Разам з тым, ствараецца і прэцэдэнт — Святая Сафія паводле гэтай логікі таксама мусіць быць канвертаваная ў мячэць. Тым больш, што ў сакавіку Эрдаган публічна пакляўся гэта зрабіць - але распачалі працэс з Хоры», — выказаў незапакоенасць у сваім фэйсбуку палітолаг Аляксей Ластоўскі.
Цяпер чытаюць
Лукашэнка заклікаў жыхароў Гомельшчыны не хвалявацца з-за ўльтыматуму Зяленскага адносна рэтранслятараў11
Каментары