Ciapier tam budzie zapuščany «standartny siervis pošuku». Papiaredniaja viersija pošuku na google.by, zapuščanaja ŭ 2004 hodzie, była z vyhladu jak sapraŭdny Google, ale Google'u nie naležała.
Ciapier tam budzie zapuščany «standartny siervis pošuku», paviedamlaje «Prajm-TASS» z spasyłkaj na presavuju słužbu ŭkrainskaha pradstaŭnictva kampanii.
Papiaredniaja viersija pošuku na google.by, zapuščanaja ŭ 2004 hodzie, była z vyhladu jak sapraŭdny Google, ale ŭładaryła damienam kampanija Active Media.
Letaś pry kancy hoda Google z dapamohaj svajho ŭkrainskaha pradstaŭnika adsudziŭ pravy na damiennaje imia ŭ biełaruskim Viarchoŭnym sudzie, a ŭ studzieni pierarehistravaŭ google.by na siabie.
Admietna, što niadaŭna padobny praces Google vyjhraŭ i va Ŭkrainie, adnak dahetul naviednikaŭ z sajtu google.ua pierakidajuć na tamtejšy sajt znajomstvaŭ.
U Rasiei ŭsio składaniej: choć pravy na Google.ru kampanija maje z 2004 hoda, ale pad nazovam Gmail.ru chavajecca paštovy siervis, jaki da Google'a nie maje nijakaha dačynieńnia. Bolš za toje, hetaja marka aficyjna zarehistravanaja ŭ rasiejskim patentnym biuro, nahadvaje «Viebpłanieta».
Ź Jeŭropaj u Google'a šče bolšaja biada: u 2006 hodzie niamiecki ŭładalnik handlovaj marki Gmail damohsia… zabarony na vykarystańnie jaje Google'am. U Vialikaj Brytanii nazva Gmail taksama naležyć nie Google'u.
Ciapier čytajuć
Amal usie čaty i supołki kałonij i SIZA Biełarusi pryznali ekstremisckimi farmavańniami. Pad pahrozaj tysiačy čałaviek4
Kamientary