Najvažniejšaja zadača Nacbanka — znajści alternatyŭnyja mahčymaści pryciahnieńnia resursaŭ, zajaviŭ siońnia Alaksandr Łukašenka na sustrečy z členami praŭleńnia Nacbanka ŭ ramkach pryniaćcia kadravych rašeńniaŭ, paviedamlaje sb.by
— Najvažniejšaja zadača Nacbanka — znajści alternatyŭnyja mahčymaści pryciahnuć resursy (pažadana źniešnija i, jak ja kazaŭ, doŭhija) dla dyviersifikacyi bazy bankaŭ. I takija ž zadačy (klučavyja pakazčyki efiektyŭnaści) treba stavić usim kiraŭnikam bankaŭ i stroha pytacca za vykananuju pracu. Heta pierš za ŭsio tyčycca pamočnika prezidenta.
Kiraŭnik dziaržavy adznačyŭ, što pryjarytetam nastupnaj piacihodki abvieščanyja novyja inviestycyi.
— Padumajcie, jak papoŭnić niedachop doŭhich i tannych hrošaj dla kredytavańnia inviestprajektaŭ. Asabliva z terminam akupnaści 7-10 hadoŭ, jak, naprykład, u mašynabudavańni abo naftachimii. Vy bačycie, što niekatoryja krainy, u tym liku i rasijanie, abmiežavali źniešnija limity dla biełaruskich bankaŭ.
Alaksandr Łukašenka padkreśliŭ, što Nacyjanalny bank pavinien pracavać pa takim ža pryncypie, jak i ŭrad:
- U vas pavinna być, jak va ŭradzie, dzie kožny adkazvaje piersanalna, što pradaŭ na ekspart i kolki valutnaj vyručki prynios u krainu. Kožny bankir pavinien piersanalna adkazvać, jakija jon hrošy pryciahnuŭ sa źniešnich rynkaŭ i na jakich lepšych umovach. Siedziačy ŭ kantory Nacbanka, heta nie zrobiš. Vy pavinny mieć šyrokija kantakty. I nie tolki z rasijanami, ale i ŭ Jeŭropie, Amierycy, Kitai, inšych miescach. Dla taho, kab pryciahnuć hrašovyja resursy.
Ciapier čytajuć
Na aŭtašou ŭ Lidzie ledź nie zahinuŭ adzin z samych znakamitych kaskadzioraŭ Biełarusi — jaho videa sabrali amal paŭmiljarda prahladaŭ. Što ź im ciapier?4
Kamientary