Найважнейшая задача Нацбанка — знайсці альтэрнатыўныя магчымасці прыцягнення рэсурсаў, заявіў сёння Аляксандр Лукашэнка на сустрэчы з членамі праўлення Нацбанка ў рамках прыняцця кадравых рашэнняў, паведамляе sb.by
— Найважнейшая задача Нацбанка — знайсці альтэрнатыўныя магчымасці прыцягнуць рэсурсы (пажадана знешнія і, як я казаў, доўгія) для дыверсіфікацыі базы банкаў. І такія ж задачы (ключавыя паказчыкі эфектыўнасці) трэба ставіць усім кіраўнікам банкаў і строга пытацца за выкананую працу. Гэта перш за ўсё тычыцца памочніка прэзідэнта.
Кіраўнік дзяржавы адзначыў, што прыярытэтам наступнай пяцігодкі абвешчаныя новыя інвестыцыі.
— Падумайце, як папоўніць недахоп доўгіх і танных грошай для крэдытавання інвестпраектаў. Асабліва з тэрмінам акупнасці 7-10 гадоў, як, напрыклад, у машынабудаванні або нафтахіміі. Вы бачыце, што некаторыя краіны, у тым ліку і расіяне, абмежавалі знешнія ліміты для беларускіх банкаў.
Аляксандр Лукашэнка падкрэсліў, што Нацыянальны банк павінен працаваць па такім жа прынцыпе, як і ўрад:
- У вас павінна быць, як ва ўрадзе, дзе кожны адказвае персанальна, што прадаў на экспарт і колькі валютнай выручкі прынёс у краіну. Кожны банкір павінен персанальна адказваць, якія ён грошы прыцягнуў са знешніх рынкаў і на якіх лепшых умовах. Седзячы ў канторы Нацбанка, гэта не зробіш. Вы павінны мець шырокія кантакты. І не толькі з расіянамі, але і ў Еўропе, Амерыцы, Кітаі, іншых месцах. Для таго, каб прыцягнуць грашовыя рэсурсы.
Цяпер чытаюць
Каля плошчы Бангалор у Мінску вырас яшчэ адзін звышсакрэтны аб’ект20
Каля плошчы Бангалор у Мінску вырас яшчэ адзін звышсакрэтны аб’ект
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары