Kiraŭnictva Baranavickaj speckamendatury dazvoliła Mikołu Statkieviču, jaki za arhanizacyju vuličnych demanstracyj pratestu suprać falsyfikacyi vynikaŭ vybaraŭ i referendumu adbyvaje pakarańnie abmiežavańniem voli, hetak zvanaj «chimii», źjechać u adpačynak u Miensk. Statkievič ličyć, što rašeńnie ŭładaŭ abumoŭlena źniešniepalityčnaj sytuacyjaj. Dva tydnia palityk praviadzie sa svajoj siamjoj u Miensku. Luboŭ Łuniova cikaviłasia, čym Statkievič planuje zaniacca ŭ adpačynku.
Kiraŭnictva Baranavickaj speckamendatury dazvoliła Mikołu Statkieviču, jaki za arhanizacyju vuličnych demanstracyj pratestu suprać falsyfikacyi vynikaŭ vybaraŭ i referendumu adbyvaje pakarańnie abmiežavańniem voli, hetak zvanaj «chimii», źjechać u adpačynak u Miensk. Statkievič ličyć, što rašeńnie ŭładaŭ abumoŭlena źniešniepalityčnaj sytuacyjaj. Dva tydnia palityk praviadzie sa svajoj siamjoj u Miensku. Luboŭ Łuniova cikaviłasia, čym Statkievič planuje zaniacca ŭ adpačynku.
Mikoła Statkievič pracuje na Baranavickim pradpryjemstvie «Rembyttechnika». Pavodle pracoŭnaha zakanadaŭstva nadyšoŭ čas čarhovaha adpačynku. Kiraŭnik speckamendatury Vasil Hardziejka paviedamiŭ apazycyjaneru, što jaho mohuć nie adpuścić u Miensk. Jon patłumačyŭ, što rašeńnie budzie pryniata ciaham tydnia. Tolki ŭviečary 4 lipienia Mikołu Statkieviču dazvolili źjechać u Miensk.
Nahadajem, Mikołu Statkieviča ŭ časie vybarčaj kampanii, a taksama ŭ dni, kali pravodzilisia vuličnyja akcyi apazycyi, izalavali ŭ internacie speckamendatury. 45 dzion palityk pravioŭ u pakoi razam z supracoŭnikami milicyi, jakija za im nazirali. Apazycyjaner zajaviŭ, što izalacyja horš za režym pazbaŭleńnia voli, bo jaho nie vyvodzili na špacyr i nie karmili. Charčy Statkieviču štodnia prynosiŭ baćka. Palityka ni na dzień nie adpuskali ŭ Miensk.
Hetym razam jon užo nie spadziavaŭsia, što pajedzie ŭ adpačynak u Miensk.
(Statkievič:) «Ja miarkuju, što heta moža być źviazana sa źniešniaj palitykaj. Z hazavym supraćstajańniem z Maskvoj i z druhoha boku biełaruskija ŭłady sprabujuć krychu załahodzić Eŭropu. Mianie nie adpuskali, bo spačatku samit u Miensku, potym vajskovy parad… niečakana dla mianie abviaścili, što adpuskajuć na 15 dzion na adpačynak u Miensk. Heta pry tym, što za tyja adzinaccać miesiacaŭ, što ja znachodžusia ŭ Baranavičach, u adroźnieńnie ad inšych asudžanych ja nivodnaha razu nia byŭ u zvyčajnym trochdzionnym štomiesiačnym adpačynku pa miescy žycharstva».
Čym u Miensku budzie zajmacca Mikoła Statkievič? Apazycyjaner padzialiŭsia sa «Svabodaj» svaimi planami.
(Statkievič:) «Nu, ja dumaju, što ŭ mianie budzie bahata sustrečaŭ. Najpierš z tavaryšami pa «Narodnaj Hramadzie», z «Eŭrapiejskaj kaalicyjaj», z kalehami pa stała dziejučaj naradzie kaalicyi demakratyčnych siłaŭ. Pierš za ŭsio heta. Taksama ja budu, jak i ŭvieś hety hod šmat čytać i, biezumoŭna, adpačyvać».
U časie adpačynku Mikoła Statkievič nie maje prava pakidać miežy horadu. U inšym vypadku jon budzie mieć zaŭvahu za parušeńnie praviłaŭ unutranaha rasparadku i, jak vynik, pazbaŭleny mahčymaści raniej vyjści na volu.
Praź miesiac administracyja speckamendatury ŭ vioscy Małoje Sitna budzie vyrašać pytańnie, dzie budzie adpačyvać Pavał Sieviaryniec. Za im nadydzie čarha Andreja Klimava ŭ vioscy Barščoŭka.
Ciapier čytajuć
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić4040
Kamientary