U Mastackim muziei adkryłasia abjomnaja vystava Ruščyca i jaho koła
Z 27 listapada ŭ Nacyjanalnym mastackim muziei pačała pracu vystava «Fierdynand Ruščyc (1870—1936). Da 150-hodździa z dnia naradžeńnia mastaka».
Vydatny piejzažyst, hrafik, teatralny dekaratar i piedahoh, Ruščyc pakinuŭ hłyboki śled u mastactvie i kulturna-hramadskim žyćci byłoj Rečy Paspalitaj. Fierdynand Ruščyc — jarki pradstaŭnik simvalizmu ŭ mastactvie, jaki spałučyŭ tradycyi nacyjanalnaha žyvapisu i zachodniejeŭrapiejskich tendencyj, klučavaja fihura mastackaha žyćcia Vilenščyny ŭ mižvajenny pieryjad. Jon staŭ važnaj piersonaj dla kultury sučasnych Biełarusi, Litvy i Polščy. Pałotny mastaka zachoŭvajucca ŭ muziejach vyšejpieraličanych krain, a taksama jeŭrapiejskich i amierykanskich muziejnych i pryvatnych zborach.
150-hodździe z dnia naradžeńnia Fierdynanda Ruščyca ŭniesiena JUNIESKA ŭ Kalandar pamiatnych dat na 2020 hod.
Meta vystavy — pradstavić šyroki mastacki kantekst, u jakim isnavała tvorčaść mastaka. U ekspazicyi pradstaŭleny nie tolki karciny Fierdynanda Ruščyca, ale i pracy mastakoŭ jaho akružeńnia — heta i tvory nastaŭnikaŭ Ruščyca ŭ Akademii mastactvaŭ Ivana Šyškina i Archipa Kuindžy, jaho adnakurśnikaŭ pa majsterni Kuindžy — Mikałaja Rerycha, Kanstancina Bahajeŭskaha, Vilhielma Purvicisa, Arkadzia Ryłava i inš.
Ceły raździeł vystavy pryśviečany vučniam Fierdynanda Ruščyca, vypusknikam Vilenskaha ŭniviersiteta, vybitnym biełaruskim mastakam Piatru Sierhijeviču i Michaiłu Sieŭruku.
Da niadaŭniaha času ŭ zborach NMM zachoŭvałasia tolki adna praca Fierdynanda Ruščyca «La kaścioła» 1899 hoda, nabytaja ŭ 1957 hodzie ŭ Leninhradskaha kalekcyjaniera Šustera. U listapadzie 2019 hoda pry finansavaj padtrymcy hanarovaha konsuła Biełarusi ŭ Łazanie Andreja Nažeskina byli nabytyja ŭ kalekcyi ŭnuka mastaka Fierdynanda Ruščyca i pieradadzienyja ŭ dar jašče try žyvapisnyja raboty, jakija adnosiacca da rańniaha pieryjadu tvorčaści majstra.
Vystava «Fierdynand Ruščyc (1870—1936) da 150-hodździa z dnia naradžeńnia mastaka» budzie ekspanavacca da 13 studzienia 2021 hoda.
Ciapier čytajuć
Na «Hrodna Azocie» skončyŭ žyćcio samahubstvam namieśnik načalnika cecha1
Na «Hrodna Azocie» skončyŭ žyćcio samahubstvam namieśnik načalnika cecha
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary