Lidaru sacyjał-demakrataŭ Iharu Barysavu dali 15 sutak za «niepadparadkavańnie»
22 sakavika ŭ sudzie Partyzanskaha rajonu Mienska asudzili staršyniu Biełaruskaj sacyjał-demakratyčnaj partyi (Hramada) Ihara Barysava. Nibyta jon nie padparadkavaŭsia «zakonnamu patrabavańniu słužbovaj asoby», piša Radyjo Svaboda.
Vyrak ahučyŭ sudździa Michaił Makarevič: 15 sutak administracyjnaha aryštu.
Da apošniaha nie było viadoma, za što mienavita ŭ niadzielu zatrymali Ihara Barysava. BSDP (Hramada) fihuruje ŭ liku zajaŭnikaŭ Dnia Voli 25 sakavika, adnak dakumenty ŭ Mienharvykankam padavaŭ namieśnik staršyni partyi Alaksiej Sihajeŭ.
Paźniej žoncy Ihara Alenie Barysavaj paviedamili, što muža abvinavacili ŭ «niepadparadkavańni słužbovaj asobie». Niuansy zdareńnia pry hetym nie ŭdakładnili.
Ihara Barysava schapili 21 sakavika, kali toj jechaŭ ź siamjoj u kramu. Ludzi ŭ cyvilnym u čornych maskach zatrymali jaho na vačach u žonki i 4-hadovaha dziciaci, litaralna vyciahnuli z mašyny.
Palityka dastavili spačatku ŭ Partyzanskaje RUUS Minska, a zatym u centar izalacyi na Akreścina.
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim18
Kamientary