«Heta nie strata, heta katastrofa». U Breście pamior ad karanavirusa zahadčyk padstancyi chutkaj dapamohi
20 sakavika padstancyja chutkaj dapamohi «Uschod» straciła zahadčyka, doktara bryhady intensiŭnaj terapii Rusłana Sachareviča. Na 43 hodzie žyćcia paśla niepraciahłaj chvaroby jon pamior u adnoj z balnic Bresta, piša 1reg.by.
Pavodle infarmacyi Tut.by u miedyka byŭ karanavirus.
Pavinšavaŭ sa śviatam i trapiŭ u reanimacyju
Špitalizavali Rusłana Sachareviča 20 lutaha. Na pytańni ab svaim samaadčuvańni jon žartavaŭ i prasiŭ nie chvalavacca za jaho. 23 lutaha bolšaja častka kalektyvu zrabiła siurpryz kiraŭniku: z padarunkami i vinšavańniami pryjšli da jaho balnicu. Jak kaža staršy fielčar Natalla Dranievič, u pałacie navat nie ŭsim chapiła miesca.
A ranicaj 8 sakavika zahadčyk adpraviŭ vinšavańni ŭsim kaleham-žančynam. Nichto navat vykazać zdahadku nie moh, što ŭviečary taho ž dnia jon apyniecca ŭ ciažkim stanie ŭ reanimacyi. Nie dapamoh aparat ŠVŁ i mocnadziejnyja leki.
Rusłan Sacharevič pryjšoŭ pracavać u chutkuju dapamohu ŭ 2001 hodzie adrazu paśla instytuta. Pracavaŭ u bryhadzie intensiŭnaj terapii. Heta bryhada, jakaja vyjazdžaje na samyja składanyja vypadki. Pa ŭspaminach kaleh, Sacharevič u lubych situacyjach zachoŭvaŭ spakoj, dziejničaŭ chutka i prafiesijna.
U 2018 hodzie paśpiachovaha lekara pryznačyli zahadčykam padstancyi.
«Takich u nas vielmi mała»
Hałoŭnaja doktarka Stancyi chutkaj miedycynskaj dapamohi Bresta Valancina Paškievič raspaviała, što na Rusłana Sachareviča zaŭsiody možna było spadziavacca. Jon žyŭ svajoj pracaj.
— Da momantu špitalizacyi ni razu nie braŭ balničny. Pracavaŭ na 1,5 staŭki. Braŭ i dadatkovyja źmieny, kali treba było zamiaščać kahości. U luby čas možna było źviarnucca, i ŭsio adno, nakolki mocna Rusłan Piatrovič stamiŭsia — nie admović, — raspaviała hałoŭny doktar.
U 2019 hodzie Rusłana Sachareviča ŭznaharodzili Hramataj Hałoŭnaha ŭpraŭleńnia achovy zdaroŭja. Za praktyčna 20 hadoŭ pracy ŭ chutkaj dapamohi na miedyka nie pastupiła nivodnaj skarhi. Tolki stanoŭčyja vodhuki ad pacyjentaŭ.
Raźvitacca z Rusłanam Sacharevičam pryjšło šmat ludziej — kalehi, rodnyja, siabry i navat pacyjenty. Brest straciŭ vielmi važnaha čałavieka.
Ciapier čytajuć
Na pratestancki fiestyval u «Čyžoŭku-Arenu» jedzie amierykanski prapaviednik Franklin Hrem. Razam ź im čakajuć Koŭła z žonkaj12
Kamientary