Z 1 kastryčnika pavialičycca pamier abanienckich płat taryfnych płanaŭ dla fizičnych asob i jurydyčnych asob, košt vyklikaŭ dla niekatorych taryfnych płanaŭ, košt pasłuh roŭminhu, mižnarodnych vyklikaŭ, a taksama pamier adnačasovych uznosaŭ i taryfy na niekatoryja śpiecyjalnyja i dadatkovyja pasłuhi. Pavyšeńnie koštu asnoŭnych pasłuh mabilnaj suviazi składzie ŭ siarednim 4%.
Akramia taho, z 1 kastryčnika pačnuć paetapna zakryvacca niekatoryja dadatkovyja pasłuhi pakietaŭ chvilin i internetu, jakija stracili aktualnaść. Pry hetym karystalnikam usich hałasavych taryfnych płanaŭ — fizičnym i jurydyčnym asobam — stanuć dastupnyja dla padłučeńnia dadatkovyja pasłuhi mabilnaha internetu «Pakiet 500 MB», «Pakiet 1 HB» i «Pakiet 3 HB» i pakiety chvilin «300 chvilin unutry sietki», «Bieźlimit chvilin unutry sietki», «50 chvilin va ŭsie sietki», «150 chvilin va ŭsie sietki», «Bieźlimit chvilin va ŭsie sietki».
Źmianieńnie koštu dadatkovych pasłuh bieźlimitnaha internetu na chutkaści ad 512 kbit/s da 16 Mbit/s dla fizičnych asob, a taksama pasłuh «Bieźlimit na YouTube» i «Bieźlimit chvilin va ŭsie sietki» adbudziecca 30 vieraśnia.
Bieź źmienaŭ zastaniecca košt internetu zvyš abjomu, uklučanaha ŭ abanienckuju płatu, košt unutrysietkavych chvilin, chvilin u inšyja sietki, a taksama košt SMS i MMS na bolšaści dziejučych taryfnych płanaŭ dla fizičnych asob. Pamiery štomiesiačnych płaciažoŭ pa rasterminoŭcy za abstalavańnie ŭ ramkach raniej zaklučanych dahavoraŭ taksama nie źmianiajucca.
Dla jurydyčnych asob źmienicca košt asnoŭnych pasłuh fiksavanaj suviazi — pavieličeńnie składzie ŭ siarednim 4%. Razam z hetym zakryvajecca šerah archiŭnych taryfnych płanaŭ z chutkaściu dostupu ŭ internet da 12 Mbit/s. Karystalniki dadzienych taryfnych płanaŭ buduć pieraviedzieny na taryfny płan «Internet dla ofisa 20» z pavieličeńniem chutkaści da 20 Mbit/s, a taksama mahčymaściu padklučeńnia na śpiecyjalnych umovach da 5 SIM-kart ź bieźlimitam internetu i zvankoŭ va ŭsie sietki i da 5 licenzij na pasłuhi «Kanfierenc-suviaź dla biznesu» i «Biznes-pošta».
Ciapier čytajuć
«Dekałanizacyja — heta pryjści i zaniać svajo miesca». Nasta Rahatko budzie ŭdzielničać u fiestyvali rasijskaj knihi. Sulima jaje asudziŭ, jana nie zmaŭčała ŭ adkaz5858
Kamientary