Lalku, stvoranuju ŭ 1929 hodzie pa vobrazie 3-hadovaj tady jašče pryncesy Lizaviety, pradaduć na aŭkcyjonie
Lalku «pryncesa Lizavieta», jakuju stvaryli pa vobrazie karalevy Lizaviety II, kali joj było try hady, pradaduć na aŭkcyjonie. Pa danych ŚMI, maci Lizaviety niedalublivała hetuju cacku, tamu što jana była «zanadta toŭstaj». Pra heta piša BBC.
Lalku «pryncesa Lizavieta» stvaryli niamieckija vytvorcy Schoenau & Hoffmeister. Cacka pavinna była paŭtarać karalevu Lizavietu ŭ dziciačym uzroście, a vobraz uziali ź jaje rańnich fatahrafij.
Zrešty, u karaleŭskaj siamji hetaja lalka adabreńnia nie atrymała. U pryvatnaści, karalevie-maci, łedzi Lizaviecie Boŭz-Łajon, lalka nie spadabałasia, tamu što była «zanadta toŭstaj». Urešcie, u masavuju vytvorčaść jaje tak i nie puścili.
Ciapier redkuju lalku pradajuć z aryhinalnaj etykietkaj jak častku kalekcyi prykładna z 500 cacak. Ułaśnica lalek, Beci Foks z hrafstva Notynhiemšyr, pamierła ŭ 2019 hodzie va ŭzroście 95 hadoŭ.
Kalekcyjaniery acanili jaje kalekcyju lalek ad 40 tysiač da 60 tysiač funtaŭ sterlinhaŭ (53-89 tysiač dalaraŭ). Lalka «pryncesa Lizavieta» kaštuje, na dumku ekśpiertaŭ, ad 500 da 800 funtaŭ sterlinhaŭ (700-1000 dalaraŭ).
Kalekcyja Beci Foks składajecca pieravažna ź niamieckich i francuzskich farforavych lalek, jakija žančyna źbirała ŭsio žyćcio. Ciapier ich płanujuć raspradać u ramkach trochdzionnaha anłajn-aŭkcyjonu.
Ciapier čytajuć
Instytut biełaruskaje movy zapuściŭ niezaležny «Korpus biełaruskich tekstaŭ», jaki źbiraje leksiku, jakaja nie traplaje ŭ aficyjnyja bazy praz cenzuru11
Instytut biełaruskaje movy zapuściŭ niezaležny «Korpus biełaruskich tekstaŭ», jaki źbiraje leksiku, jakaja nie traplaje ŭ aficyjnyja bazy praz cenzuru1
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?11
Kamientary