Jeŭrasajuz vykazvaje surjoznuju zakłapočanaść z pryčyny čarhovaha śmiarotnaha prysudu, vyniesienaha ŭ Biełarusi.
Pra heta havorycca ŭ zajavie, raspaŭsiudžanaj 3 žniŭnia pres‑słužbaj pradstaŭnictva Jeŭrakamisii ŭ Minsku.
«Hety śmiarotny pryhavor byŭ vyniesieny Minskim abłasnym sudom Andreju Žuku. Miesiacam raniej byŭ vyniesieny jašče adzin śmiarotny prysud», — adznačajecca ŭ dakumiencie.
Jeŭrasajuz znoŭ zaklikaŭ Biełaruś admianić śmiarotnuju karu, a dla pačatku — uvieści maratoryj na jaje prymianieńnie.
Jeŭrasajuz nahadvaje pra zajavy, zroblenyja ŭradam Biełarusi na praciahu apošnich hadoŭ, u jakich havaryłasia ab namiery značna abmiežavać i ŭ kančatkovym vyniku admianić śmiarotnuju karu.
Taksama ES nahadvaje pra rezalucyju Parłamienckaj asamblei Savieta Jeŭropy, zaćvierdžanuju 23 červienia 2009 hoda. U joj havorycca ab hatoŭnaści admianić časovaje abmiežavańnie statusu śpiecyjalnaha zaprošanaha ŭ PASIE dla biełaruskaha parłamienta, kali ŭłady Biełarusi ŭviaduć maratoryj na śmiarotnuju karu.
U dakumiencie padkreślivajecca, što Jeŭrasajuz «vystupaje suprać prymianieńnia vyšejšaj miery pakarańnia ŭ lubych spravach i pry lubych abstavinach i paśladoŭna zaklikaje da jaje admieny pa ŭsim śviecie». «ES upeŭnieny, što zabarona śmiarotnaj kary — heta hałoŭny elemient abarony čałaviečaj hodnaści i prahresiŭnaha raźvićcia pravoŭ čałavieka», — havorycca ŭ zajavie.
Da zajavy dałučylisia krainy — kandydaty na ŭstupleńnie ŭ ES: Turcyja, Charvatyja i Byłaja Juhasłaŭskaja Respublika Makiedonija, patencyjalnyja krainy‑kandydaty: Ałbanija, Bośnija i Hiercahavina, Čarnahoryja, Sierbija, krainy Jeŭrapiejskaj asacyjacyi svabodnaha handlu i krainy Jeŭrapiejskaj ekanamičnaj zony Isłandyja i Narviehija, a taksama Ukraina.
Jak raniej paviedamlałasia, 17 lipienia sud minskaj vobłaści pryznaŭ dvuch žycharoŭ Salihorskaha rajona vinavatymi ŭ zabojstvie dvuch rabotnikaŭ SVK «Balšavik‑Ahra», jakija pieravozili hrošy dla vypłaty zarpłaty rabotnikam sielhaspradpryjemstva. Złačynstva było ŭčyniena 27 lutaha 2009 hoda blizu vioski Kryvičy. 25‑hadovaha žychara Salihorska sud pryhavaryŭ da vyšejšaj miery pakarańnia — śmiarotnaj kary, saŭdzielnika zabojstva — da pažyćciovaha zaklučeńnia.
29 červienia Brescki abłasny sud pryhavaryŭ da śmiarotnaj kary 30‑hadovaha žychara Drahičynskaha rajona, jaki pryznany vinavatym va ŭčynieńni sieryi zabojstvaŭ pažyłych žančyn.
Ciapier čytajuć
Andreja Pačobuta pamianiali na łukašenkaŭskich špijonaŭ, aryštavanych u Polščy39
Kamientary