Soras: Napad Rasii na Ukrainu staŭ pačatkam Treciaj suśvietnaj vajny
Viadomy finansist Džordž Soras miarkuje, što lidar KNR Si Czińpin daŭ kart-błanš Pucinu na ŭvarvańnie va Ukrainu i što heta «stała pačatkam Treciaj suśvietnaj vajny, jakaja patencyjna moža źniščyć našu cyvilizacyju».
Napad Rasii na Ukrainu 24 lutaha staŭ pačatkam Treciaj suśvietnaj vajny. Pra heta ŭ svaim artykule ŭ Project Syndicate, zajaviŭ amierykanski finansist i zasnavalnik fondu «Adradžeńnie» Džordž Soras, piša UNIAN.
Na dumku Sorasa, hetaja vajna patencyjna moža źniščyć našu cyvilizacyju.
U artykule havorycca, što pierad uvarvańniem prezident RF Uładzimir Pucin i kiraŭnik Kitaja Si Czińpin abnarodavali vialiki dakumient, u jakim abjaŭlałasia ab ciesnym partniorstvie pamiž dźviuma krainami.
«Ja byŭ ździŭleny, što Si vidavočna daje Pucinu kart-błanš na ŭvarvańnie i raźviazvańnie vajny suprać Ukrainy», — adznačyŭ Soras.
«Pucin ža, zaručyŭšysia padtrymkaj Si, zaniaŭsia ažyćciaŭleńniem mary ŭsiaho svajho žyćcia ź nievierahodnaj žorstkaściu. Nieŭzabavie Pucinu spoŭnicca 70 hadoŭ, i jon adčuvaje, što, kali jon choča pakinuć śled u rasijskaj historyi, jamu treba dziejničać abo ciapier, abo nikoli», ‒ havorycca ŭ artykule.
Na dumku Sorasa, Pucin maje namier stać carom dla Rasii i, «prydumaŭšy sabie ideju-fiks, Pucin vidavočna straciŭ suviaź z realnaściu».
«Ja nie viedaju Pucina asabista, ale vielmi ŭvažliva naziraju za jaho ŭzvyšeńniem i viedaju, što jon biaźlitasny. Jon pieratvaryŭ u ruiny čačenskuju stalicu Hrozny, a ciapier pahražaje zrabić toje ž samaje z ukrainskaj stalicaj Kijevam», ‒ napisaŭ finansist.
Pa słovach Sorasa, Pucin čakaŭ, što ruskamoŭnyja ŭkraincy buduć sustrakać rasijskich sałdat z abdymkami, ale mocna pamyliŭsia.
«Jon [Pucin] vyrašyŭ pakarać Ukrainu za toje, što jana supraciŭlajecca, i staŭ dziejničać biez usialakich tarmazoŭ. Jon kinuŭ u boj usio rasijskaje vojska i ihnaruje lubyja praviły vajny», ‒ piša Soras.
Pavodle jaho, nie vyklučana, što Rasija prajhraje hetuju vajnu, pakolki zachodnija partniory pastaŭlajuć Ukrainie abarončyja vidy ŭzbrajeńnia.
«Tym časam Si, zdajecca, uśviadomiŭ, što Pucin sarvaŭsia z katušak… Si patelefanavaŭ prezidentu Francyi Emanuelu Makronu i kancleru Hiermanii Ołafu Šolcu i zajaviŭ, što padtrymlivaje ich miratvorčyja namahańni. Jon choča maksimalnaj strymanaści ŭ hetaj vajnie, kab praduchilić humanitarny kryzis». Niama nijakich harantyj, što Pucin sastupić pažadańniam Si. My možam tolki spadziavacca, što Pucin i Si buduć adchilenyja ad ułady da taho, jak jany źniščać našu cyvilizacyju», — padsumavaŭ Soras.
Ciapier čytajuć
Kolki biełarusaŭ atrymali polskaje hramadzianstva za apošni čas. Ličby ŭražvajuć36
Kamientary