Uładalnica niazłomnych ukrainskich šafki i pieŭnika ŭsio straciła, ale zastałasia žyvaja
Padviasnaja kuchonnaja šafka, jakaja zastałasia cełaj u całkam razburanym domie ŭ padkijeŭskaj Baradziancy, stała simvałam mužnaści i niazłomnaści ŭkraincaŭ. Jaje fota vyklikała niemały rezanans. A paźniej ludzi zaŭvažyli na šafie acalełaha kieramičnaha pieŭnika — vyrab Vasilkoŭskaha majolikavaha zavoda. I palica, i pieŭnik stali simvałami ŭkrainskaha zmahańnia. A ciapier žurnalisty znajšli i ich haspadyniu.
Haspadynia kvatery, u jakoj acaleła šafa z posudam i vasilkoŭskim kieramičnym pieŭnikam, žyvaja. Žančynie ŭdałosia źjechać z achoplenaha vajnoj horada i pierasialicca na zachad Ukrainy, raskazali ŭ siužecie ŭkrainskaha nacyjanalnaha telemarafona.
Na dom, u jakim raźmiaščałasia kvatera z šafaj, rasijskija akupanty skinuli dźvie avijabomby. Ratavalniki skončyli raźbirać zavały pad im, adnak ludziej nie znajšli. Adšukać uładalnicu kvatery dapamoh susied Vital. Žančynie ŭdałosia vyjechać na zachad Ukrainy ŭ pieršyja dni vajny.
U dom u Baradziancy jany zasialilisia, jak tolki jaho pabudavali — u 1985 hodzie. Adnak nieŭzabavie muž žančyny zahinuŭ padčas likvidacyi avaryi na Čarnobylskaj atamnaj stancyi. A potym pamior i starejšy syn. Nadzieja Dźmitryjeŭna zastałasia žyć z małodšym synam, jaki, ułasna kažučy, i prybiŭ znakamituju šafu. Na žal, dva hady tamu jon taksama pamior.
U druhi dzień vajny, 25 lutaha Nadzieja Dźmitryjeŭna apošni raz zvaryła sup, syšła z domu i bolš nie viarnułasia. Jana chavałasia ŭ padvale susiedniaj šmatpaviarchoŭki, a potym joj udałosia evakujavacca.
«Sa sklepa vyjšła ŭ adnych čaravikach, škarpetkach, u hetaj kurtcy, što ciapier na mnie, i chustcy. Ničoha nie ŭziała», — kaža žančyna. Bolš za ŭsio Nadzieja Dźmitryjeŭna škaduje, što ŭ jaje nie zastałosia nivodnaj fatahrafii dziaciej.
Čytajcie taksama:
Što za fihurki trymali Zialenski i Džonsan padčas pryjezdu brytanskaha premjera ŭ Kijeŭ? Heta novy ŭkrainski simvał
Šafki, jakija zachavalisia ŭ razburanym domie ŭ Baradziancy, uzarvali internet
Ciapier čytajuć
Rasijski pradaviec paśpiachovaha pośpiechu pasprabavaŭ adkryć filijał u Minsku. Reakcyja biełarusaŭ była pakazalnaj8
Rasijski pradaviec paśpiachovaha pośpiechu pasprabavaŭ adkryć filijał u Minsku. Reakcyja biełarusaŭ była pakazalnaj
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić3434
Kamientary