SK zavioŭ novuju kryminalnuju spravu na Andreja Stryžaka. Hetym razam za finansavańnie «ŭzbrojenaha kanfliktu» za miažoj
Śledčy kamitet zavioŭ novuju kryminalnuju spravu na aktyvista Andreja Stryžaka, kiraŭnika pryznanaha ekstremisckim farmavańniem fondu «Bajsoł». Hetym razam jamu vystaŭlenyja pretenzii za «finansavańnie i materyjalnaje zabieśpiačeńnie ŭzbrojenaha kanfliktu i vajennych dziejańniaŭ na terytoryi sumiežnaj dziaržavy».
Tak u Śledčym kamitecie rascanili zbor srodkaŭ na padtrymku Ukrainy i biełaruskich dobraachvotnikaŭ.
«Praz sacyjalnyja sietki A. Stryžak sumiesna ź inšymi asobami zajmaŭsia dziejnaściu, źviazanaj ź viarboŭkaj, navučańniem, inšaj padrychtoŭkaj i finansavańniem hramadzian Respubliki Biełaruś, jakija ŭ dalejšym nakiroŭvalisia dla ŭdziełu ŭ bajavych dziejańniach na terytoryi Ukrainy ŭ składzie ŭzbrojenych farmavańniaŭ i nacyjanalistyčnych bataljonaŭ nazvanaj dziaržavy», — havorycca ŭ paviedamleńni SK.
Śledčyja zaznačajuć, što zafiksavali fakty pieraličeńnia hrošaj hramadzianami Biełarusi «dla materyjalnaha zabieśpiačeńnia najomnikaŭ». Śćviardžajecca, što asobnyja takija hramadzianie ŭžo ŭstanoŭlenyja.
«Hałoŭnym upraŭleńniem pa rasśledavańni złačynstvaŭ u śfiery arhanizavanaj złačynnaści i karupcyi ŭ dačynieńni da A. Stryžaka dadatkova raspačataja kryminalnaja sprava pa č. 2 art. 361-3 Kryminalnaha kodeksa za finansavańnie i inšaje materyjalnaje zabieśpiačeńnie ŭdziełu na terytoryi zamiežnaj dziaržavy va ŭzbrojenym farmavańni, uzbrojenym kanflikcie, vajennych dziejańniach», — paviedamlaje SK.
U Biełarusi na Stryžaka ŭžo zaviedziena niekalki kryminalnych spraŭ, u tym liku za ŭdzieł u ekstremisckim farmavańni i finansavańnie ekstremisckaj dziejnaści.
Stała viadoma, chto moža ŭvajści ŭ novy abmien źniavolenymi pamiž ZŠA i Rasijaj2
Kamientary