KDK: Ceny rastuć chutčej, čym čakałasia, a efiektyŭnych mier uździejańnia na handlovyja sietki niama
Siońnia adsutničajuć dziejsnyja instrumienty ŭździejańnia na subjekty handlu, jakija strymlivali b vykanańnie vystaŭlenych dziaržavaj patrabavańniaŭ i rost cen, zajaviŭ u efiry «Biełaruś 1» namieśnik staršyni Kamiteta dziaržkantrolu Andrej Łabovič
Pa słovach namieśnika kiraŭnika KDK, raspracavanaja prahrama dziejańniaŭ pa stabilizacyi cen, udaskanaleńni mietadałohii cenaŭtvareńnia i kantrolu za vykanańniem zakanadaŭstva ab cenaŭtvareńni na 2022 hod.
«U ciapierašni čas šerah niehatyŭnych faktaraŭ upłyvaje na cenavuju situacyju ŭ krainie. Za piać miesiacaŭ uzrovień inflacyi značna vyšejšy, čym toje, što my prahnazavali ŭ hetym hodzie. Da taho ž my bačym, što na praciahu šerahu hadoŭ majucca ŭstojlivyja tendencyi da źnižeńnia doli ajčynnych tavaraŭ — jak charčovych, tak i niecharčovych. Akramia taho, adsutničajuć dziejsnyja instrumienty aktyŭnaha ŭździejańnia na subjekty handlu, jakija strymlivajuć vykanańnie tych praviłaŭ, patrabavańniaŭ i rekamiendacyj, jakija vystaŭlajucca z boku dziaržavy», — skazaŭ Łabovič.
Jon dadaŭ, što z dapamohaj kantrolnych mierapryjemstvaŭ vyjaŭlajecca davoli šmat parušeńniaŭ u śfiery cenaŭtvareńnia, nievykanańnia asartymientnych pieralikaŭ, jakaści pradukcyi, asabliva zamiežnaj vytvorčaści.
Tak za paŭhoda subjektami haspadarańnia i słužbovymi asobami było vypłačana štrafaŭ na 1,8 młn rubloŭ.
Łabovič patłumačyŭ, što štraf spahaniajecca ŭ dvuchrazovym pamiery roźnicy pamiž vyručkaj, atrymanaj ad realizacyi tavaru pa zavyšanych cenach, i raźlikovaj maksimalnaj canoj, jakaja ŭstalavanaja z ulikam rentabielnaści i handlovych nadbavak.
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim10
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3232
Kamientary