«Pry ŭśmiešcy ŭ AiFa nie nazirajecca zuboŭ piaci-šaści». Žonka Fiaduty raskazała pra ŭražańni ź pieršaha dnia pracesu nad mužam
Žonka Alaksandra Fiaduty Maryna Šybko padzialiłasia ŭ fejsbuku ŭražańniami ź pieršaha dnia pracesu, na jakim jaje muža razam z čatyrma inšymi abvinavačanymi sudziać za «sprobu dziaržaŭnaha pieravarotu».
«A ŭ nas novaha toje, što siońnia pačaŭsia sud nad «zmoŭščykami», — raskazvaje Maryna Šybko.
— U 11:00 usim svajakam i inšym asobam zabaranili ŭvachod u budynak, zaprasili presu i TB. Šmat było achoŭnikaŭ budynku suda. Ale kali zapeŭnili, što sud zakryty i pra heta było abjaŭlena zahadzia, ludzi stali raźjazdžacca (narodu było mała), a svajaki niekatorych naohuł nie pajechali(sud ža zakryty). I tut niečakančyk zdaryŭsia — sud abviaścili adkrytym….a ludzi źjechali. U vyniku nikoha ŭ zale, akramia presy… Nas viarnuli paśla paviedamleńnia, ale pryjšłosia čakać da 14.30, paśla pierapynku zapuścili.
Ja ŭbačyła AIFa… schudnieŭ, chodzić drenna, bo padahra adoleła, dazvolili kij pieradać u SIZA. Pry ŭśmiešcy ŭ AIFa nie nazirajecca zuboŭ 5—6 (Juryj Dzietačkin z kino) i pastryžany adpaviedna, karacieńka, kruhi pad vačymi. Tak, turma nie krasić…
Machać, padychodzić i razmaŭlać z abvinavačanymi było nielha. Ja pasłała pavietranyja pacałunki, usim pamachała i pavitała našych. Na zaŭvahu mnie adkazała, što bolš nie budu svavolić i pavodziła siabie dobra.
My moŭčki razmaŭlali z Sašam, ja čytała jamu svaje vieršy i kazała, što lublu, lublu, lublu. Jon adkazvaŭ uzajemnaściu i prasiŭ u mianie prabačeńnia.
Dumaju, što my zrazumieli adzin adnaho. Daj Boh nam usim siłaŭ!»
Čytajcie taksama: Fiaduta chudy, Kastusioŭ mocna chvory, a Ziankovič zmročny. Źjavilisia pieršyja videa i fota z suda
Ciapier čytajuć
«Ja jechała ad vajny i bambiožak»: Jaŭhienija Čarniaŭskaja pra pierajezd na Kipr8
Kamientary