U Hiermanii samalotu daviałosia sieści ŭ inšym horadzie praz zabaronu na načnyja paloty. Jon spaźniŭsia ŭsiaho na 10 siekund
Incydent adbyŭsia ŭ subotu ŭviečary. Samalot kampanii Eurowings vylecieŭ z Alikante ŭ stalicu Hiermanii z zatrymkaj prykładna na hadzinu, piša Bild.
![](http://nashaniva.com/img/w840d4webp1/photos/stock/20231102-img_5548-2bnk3.jpg.webp)
Pavietranaje sudna ŭžo pajšło na pasadku ŭ Bierlinie, adnak rezka znoŭ padniałosia ŭ nieba i pryziamliłasia ŭžo ŭ Hanoviery, jaki znachodzicca na adlehłaści amal trochsot kiłamietraŭ ad stalicy.
212 pasažyram hetaha rejsa daviałosia dabiracca da Bierlina samastojna.
Reč u tym, što ŭ Bierlinie dziejničaje zabarona na načnyja paloty — jana ŭstupaje ŭ siłu z 23:30. Adnak dla rejsaŭ, jakija zatrymoŭvajucca, isnuje vyklučeńnie, jakoje dazvalaje im pryziamlacca da 00:00.
Słužba kiravańnia pavietranym transpartam užo rasčyściła ŭźlotna-pasadačnuju pałasu dla samalota z Alikante, adnak tamu nie chapiła ličanych siekund, kab ździejśnić pasadku.
«Niahledziačy na zatrymku ŭ toj dzień, ekipaž rejsa prykłaŭ usie namahańni, kab dastavić pasažyraŭ u aeraport pryznačeńnia ŭ Bierlin», — paviedamiŭ pradstaŭnik Eurowings.
U avijakampanii dadali, što źbirajucca pakryć vydatki, jakija panieśli pasažyry, dabirajučysia z Hanoviera ŭ Bierlin.
Kamientary