Mužčyna sprabavaŭ vyjechać ź Biełarusi z padroblenym ukrainskim pašpartam
Uviečary 26 lipienia ŭ punkcie propusku Kamienny Łoh na miažy ź Litvoj pry afarmleńni na vyjezd ź Biełarusi aŭtobusa «Minsk-Vilnia» vyjaviłasia, što ŭ adnaho z pasažyraŭ padrobleny dakumient, paviedamiŭ Dziaržaŭny pahraničny kamitet.
![](http://nashaniva.com/img/w840d4webp1/photos/z_2024_07/2024-07-30204749-7y3ns.png.webp)
Dla afarmleńnia mužčyna padaŭ pašpart hramadzianina Ukrainy z častkovaj padrobkaj — staronka ź piersanalnymi danymi była zamienienaja.
Pavodle tłumačeńnia parušalnika, jon mieŭ namier trapić u Hiermaniju da svaich synoŭ, jakija i zrabili jamu padrobleny ŭkrainski dakumient, a paśla vysłali pa pošcie.
Ciapier za sprobu niezakonnaha pierasiačeńnia miažy mužčynu pahražaje štraf da 100 bazavych vieličyń i departacyja. Akramia taho, za vykarystańnie padroblenaha dakumienta praduhledžanaja kryminalnaja adkaznaść — abmiežavańnie voli na termin da dvuch hadoŭ.
Kamientary