Hramadzianam Biełarusi i Rasii da 30 červienia 2023 hoda nie buduć vydavać dazvoły na žycharstva ŭ Łatvii. Rašeńnie ab hetym apublikavana na sajcie ŭrada Łatvii.
Da 30 červienia 2023 hoda budzie spynienaja vydača dazvołaŭ na časovaje znachodžańnie ŭ Łatvii hramadzianam Rasii i Biełarusi, za vyklučeńniem asob, jakija znachodziacca ŭ Łatvii doŭhi čas.
Akramia taho, u adpaviednaści z papraŭkami ŭ zakanadaŭstva miarkujecca, što hramadzianie i niehramadzianie Łatvii, jakija chočuć stać hramadzianami inšaj krainy i pry hetym zastacca ŭ Łatvii, pavinny zdać test na viedańnie dziaržaŭnaj movy i paćvierdzić najaŭnaść nieabchodnych finansaŭ.
Pry hetym prapanujecca zrabić vyklučeńnie dla studentaŭ i navukoŭcaŭ, jakija chacieli b zastacca ŭ Łatvii paśla zakančeńnia vučoby abo daśledčych prajektaŭ. Taksama vyklučeńni mohuć zrabić dla inviestaraŭ i pradprymalnikaŭ, ale ich buduć staranna praviarać viedamstvy nacyjanalnaj biaśpieki.
Padkreślivajecca, što praduhledžanyja ŭ pravavym akcie normy nie zakranajuć prava asob, jakija prosiać mižnarodnuju abaronu, na atrymańnie adpaviednaha statusu mižnarodnaj abarony.
-
Rasijski apazicyjanier Jašyn raskazaŭ, čamu nie choča raspadu Rasii i jak dumaje pracavać ź biełaruskimi palitykami — repartaž
-
U Ałbanii źbirajucca stvaryć novuju karlikavuju musulmanskuju dziaržavu
-
Łancužki pastavak jak instrumient źniščeńnia. Padziei ŭ Livanie pakazali, što luby tavar na płaniecie moža stać zbrojaj
Kamientary