U Jarmošynaj rodnaja mova rasiejskaja, u Sakałova — biełaruskaja, u Kiebiča — «i taja, i druhaja»
Jak viadomyja ŭ Biełarusi asoby adkazali na pytańni pierapisu pra movu.
My zapytalisia viadomych u Biełarusi asobaŭ, jak jany adkazali na pytańni pierapisu pra movu.
Aktorka Kupałaŭskaha teatru Śviatłana Zielankoŭskaja nie była doma, kali prychodzili pierapisčyki, za jaje adkazvała dačka. Jak apaviała Śviatłana, dačka skazała, što maci vałodaje tryma movami — anhielskaj, biełaruskaj i rasiejskaj. A jaje rodnaj movaj, Śviatłana pierakananaja, dačka nazvała biełaruskuju. Nahadajem, što Śviatłana Zielankoŭskaja napiaredadni pierapisu nasielnictva padpisałasia pad zvarotam da biełarusaŭ hrupy kulturnych i hramadskich dziejačaŭ z zaklikam nazvać rodnaj movaj biełaruskuju.
Da ksiandza‑mahistra i probašča kaściołu śviatych Symona i Aleny Ŭładzisłava Zavalniuka pierapisčyki jašče nie prychodzili, ale jon zapeŭniŭ, što nazavie rodnaj movaj tolki biełaruskuju.
Viačasłaŭ Kiebič na pytańnie, jakuju movu padčas pierapisu vy nazvali rodnaj, adkazaŭ — «i tut, i druhuju». I ŭdakładniŭ, pieršaj nazvaŭ biełaruskuju.
Eks‑kandydat na prezidenta Alaksandr Kazulin: «Nazvaŭ rodnymi abiedźvie movy — i biełaruskuju, i rasiejskuju».
Staršynia Centralnaj vybarčaj kamisii Biełarusi Lidzija Jarmošyna padčas pierapisu nazvała rodnaj movaj rasiejskuju, Na pytańnie «Na jakoj movie zvyčajna razmaŭlajecie doma?» adkazała: «Hetaksama na rasiejskaj. Heta całkam łahična, ja na rasiejskaj movie i dumaju».
Pieršy sakratar Centralnaha kamitetu kampartyi Biełarusi(1987‑1990) Jafrem Sakałoŭ nazvaŭ rodnaj movaj biełaruskuju. «A jakuju jašče? Ja ŭ rodnaj Biełarusi naradziŭsia, vyras pad čyrvonym ściaham, tolki biełaruskaja mova — rodnaja».
-
Ty ruskamoŭny čałaviek śvietu ci ty čałaviek biełaruski? Kiejs Nasty Rahatko
-
«Vałasy dybaram». U jutubie źjavilisia videaroliki pa historyi Biełarusi, ad pačatku da kanca napisanyja štučnym intelektam
-
Nasta Rahatko: Usich, chto suprać udziełu biełarusaŭ u iventach rasijan, ja čakaju ŭbačyć na kirmašach polskich, brytanskich, ispanskich
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»99
Kamientary