У Ярмошынай родная мова расейская, у Сакалова — беларуская, у Кебіча — «і тая, і другая»
Як вядомыя ў Беларусі асобы адказалі на пытанні перапісу пра мову.
Мы запыталіся вядомых у Беларусі асобаў, як яны адказалі на пытанні перапісу пра мову.
Акторка Купалаўскага тэатру Святлана Зелянкоўская не была дома, калі прыходзілі перапісчыкі, за яе адказвала дачка. Як апавяла Святлана, дачка сказала, што маці валодае трыма мовамі — ангельскай, беларускай і расейскай. А яе роднай мовай, Святлана перакананая, дачка назвала беларускую. Нагадаем, што Святлана Зелянкоўская напярэдадні перапісу насельніцтва падпісалася пад зваротам да беларусаў групы культурных і грамадскіх дзеячаў з заклікам назваць роднай мовай беларускую.
Да ксяндза‑магістра і пробашча касцёлу святых Сымона і Алены Ўладзіслава Завальнюка перапісчыкі яшчэ не прыходзілі, але ён запэўніў, што назаве роднай мовай толькі беларускую.
Вячаслаў Кебіч на пытанне, якую мову падчас перапісу вы назвалі роднай, адказаў — «і тут, і другую». І ўдакладніў, першай назваў беларускую.
Экс‑кандыдат на прэзідэнта Аляксандр Казулін: «Назваў роднымі абедзве мовы — і беларускую, і расейскую».
Старшыня Цэнтральнай выбарчай камісіі Беларусі Лідзія Ярмошына падчас перапісу назвала роднай мовай расейскую, На пытанне «На якой мове звычайна размаўляеце дома?» адказала: «Гэтаксама на расейскай. Гэта цалкам лагічна, я на расейскай мове і думаю».
Першы сакратар Цэнтральнага камітэту кампартыі Беларусі(1987‑1990) Яфрэм Сакалоў назваў роднай мовай беларускую. «А якую яшчэ? Я ў роднай Беларусі нарадзіўся, вырас пад чырвоным сцягам, толькі беларуская мова — родная».
-
Бабарыка турэмшчыкам: «У мяне было, цяпер няма, але ёсць шанец, што будзе. А ў вас не было, няма і не будзе. І ў вашых дзяцей не будзе»
-
«Мне казалі: ты гаворыш як канадскі эмігрант». Сяргей Шупа расказаў пра Вільню 90-х, параўнанне літоўскай літаратуры з беларускай і адрозненні паміж народамі
-
Лукашэнка паводзіць сябе ў «макдональдсе» як у савецкай сталоўцы. І думае, што гэта крута
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»32
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць1010
Каментары