Fota: AP
Siarod hałoŭnych niedachopaŭ Uzbrojenych cił Ukrainy nazyvajuć značeńnie padziełu bajavych padraździaleńniaŭ, praz što «nie prahladajecca sumiesnaje viadzieńnie boju». Heta nie tolki pavialičvaje «niebiaśpieku družalubnaha ahniu», to-bok ahniu ŭ adkaz z boku ŭłasnych vojskaŭ, ale i «ŭ kirunku hałoŭnaha ŭdaru adsutničajuć manieŭranyja padraździaleńni dla razhortvańnia nastupu abo ŭstanaŭleńnia ahniavoj pieravahi», ličać u bundeśviery.
Inšymi słovami, praz toje, što Ukraina raźbivaje bryhady, jakija prajšli padrychtoŭku na Zachadzie, na hrupy z 10-30 sałdat, izalavanyja ad astatnich vojskaŭ, ni zachodniaja padrychtoŭka, ni lepšaje ŭzbrajeńnie, ni vialikaja kolkaść najaŭnych sałdat nie majuć značeńnia.
Akramia taho, krytyčna ŭ bundeśviery vykazalisia adnosna navučańnia vopytnych ukrainskich vajskoŭcaŭ, jakija, pavodle ich słoŭ, horš zasvojvajuć pryncypy zachodniaj padrychtoŭki abo naohuł nie biaruć u joj udzieł.
U dakumiencie bundeśviera havorycca, što kamandny skład demanstruje «časam značnyja niedachopy na adpaviednym uzroŭni ŭ kiraŭnictvie i ŭžyvańni kamandnych pracesaŭ, što pryvodzić da častkova niapravilnych i niebiaśpiečnych rašeńniaŭ».
Hetymi faktarami — padzieł bryhad i adsutnaść naležnaj padrychtoŭki ŭ kamandnym składzie — moža tłumačycca pavolnaje prasoŭvańnie ŭkrainskich sił padčas kontrnastupleńnia, kanstatujuć u Hiermanii.
Čytajcie taksama:
Reźnikaŭ: Vajna skončycca da nastupnaha leta, Ukraina pieramoža
Dziaržsakratar ZŠA zajaviŭ, što Ukraina advajavała pałovu zachoplenaj terytoryi
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)