U Lijepai turysty admianiajuć reziervacyi i pakidajuć haścinicy z-za ŭciečki ściokavych vod
Kiraŭnica Centra turystyčnaj infarmacyi Dajna Vitoła zajaviła, što ŭciečka ściokavych vod u Bałtyjskaje mora «stała davoli značnym udaram nižej pojasa».
U Lijepai (Łatvija) paśla ŭciečki nieačyščanych ściokavych vod u mora hości horada admianiajuć reziervacyi ŭ raźmieščanych niepadalok haścinicach ci pakidajuć hateli, paviedamlaje Delfi.
Kiraŭnica Zijemupskaha centra turystyčnaj infarmacyi Dajna Vitoła zajaviła ŭ intervju, što ŭciečka ściokavych vod u mora «stała davoli značnym udaram nižej pojasa» dla haściavych damoŭ.
Vitoła zajaviła, što turysty admianiajuć reziervacyi, a taksama zusim źjazdžajuć, bo «tyja, chto pryjechaŭ adpačyvać na mora, całkam łahična mianiajuć kirunak».
U svaju čarhu, jak adznačyła ŭładalnica doma adpačynku LavenderVilla Zane Husta, hości ździŭlenyja tym, što nie mohuć pajści da mora.
Adnak vada ŭ miescach dla kupańnia ŭ Lijepai adpaviadaje ŭsim normam. Pra heta śviedčać atrymanyja 25 lipienia vyniki paŭtornych analizaŭ vady, paviedamiła ahienctvu LETA kiraŭnik adździeła hramadskich adnosin i markietynhu Lijepajskaj dumy Zita Łazdanie.
Taksama Łazdanie paviedamiła, što nastupnyja vyniki analizaŭ buduć dastupnyja siońnia.
Uviečary ŭ niadzielu ŭ Lijepai abrynułasia ścienka reziervuara papiaredniaj ačystki ačyščalnych zbudavańniaŭ, u vyniku brudnyja ściokavyja vody trapili ŭ mora.
Kamientary