«Ja dumaŭ, jon u Polščy z usimi». Jaŭhien Kryžanoŭski asvojvaje tyktok — zdymaje roliki pra lecišča i «błohiera» Piačonkina
Ci pamiatajecie Jaŭhiena Kryžanoŭskaha z teatra «Chrystafor»? Ciapier biełaruski komik znajšoŭ sabie novy zaniatak — jon robić roliki ŭ tyktoku i źbiraje tysiačy prahladaŭ. My vyvučyli, što pościć Kryžanoŭski.
U tyktoku Jaŭhiena 34 tysiačy padpisčykaŭ — hruntoŭna, asabliva kali ŭličyć, što na svaim jutub-kanale jon nie dabraŭsia i da 1500 padpisantaŭ.
Bolš za 20 videa na staroncy Kryžanoŭskaha źniatyja ad asoby vydumanaha hieroja — Mikałaja Piačonkina. Heta stały mužčyna, jaki nosić vielizarnyja kruhłyja akulary i kašuli — ničoha z hetaha jamu nie pasuje. Piačonkin razmaŭlaje na trasiancy, u jaho jość žonka Maryna, jakaja zabaraniaje jamu naviedvać kramu, dzie raniej Mikałaja padmanuli.
Piačonkin pryznajecca, što raniej vučyŭsia ŭ śpiecinternacie dla «ŭdaronnych dziaciej», i raskazvaje, što, kali jaho naradžali, pavitucha ŭpuściła jaho hałavoj na ziamlu, i praz heta jon «invalid na hałavu treciaj stupieni». Taksama hieroj Kryžanoŭskaha pužajecca słova «błohier» — spačatku jamu padałosia, što jano rodnasnaje słovu «błochi», nazyvaje praktołaha «raktołaham», a žonka Piačonkina prapanuje jamu być na aharodzie pudziłam — hałoŭnaje nie zabyć panamu.
Ale nie Piačonkinym adzinym. Amal što 214 tysiač prahladaŭ na tyktoku Kryžanoŭskaha maje karocieńki rolik, źniaty zusim niadaŭna. Dziejańnie videa adbyvajecca ŭ kramie: Jaŭhien biare ŭ ruki plašku harełki, radasna ŭśmichajecca i praciahvaje vybirać ałkahol, ale potym bačyć abjavu, što «1 vieraśnia — dzień ćviarozaści», rasčaravana stavić plašku nazad i sychodzić z kramy.
Pry kancy červienia akcior vypuściŭ rolik pra naviedvańnie baranavickaha parka žyvioł «Dypryz». Tam jon całuje kazu i raskazvaje joj, što jaho «taksama mała kormiać», ale kazie byccam žyć lepiej, bo joj nie treba zarobak i piensija. A taksama pakazvaje draŭlany psieŭdatualet z maniekienam i kaža, što heta «jak u dziacinstvie».
Uletku Kryžanoŭski zachapiŭsia zdymkami rolikaŭ na svaim leciščy. Naprykład, jon z honaram pakazvaŭ svoj nadzieł i apavituju dzikim vinahradam dušavuju («adčuvaješ siabie niedzie na Taici pad palmami, niečym takim pryhožym, pad vadaspadam»), i zapisvaje videa pra toje, jak uhavorvaje kotku sastupić jamu miesca ŭ hamaku. Apošni na siońnia rolik ź lecišča Kryžanoŭski zapisvaŭ prosta ŭ płaŭkach u humavym basiejnie.
U takoj tvorčaści Kryžanoŭskaha bahata prychilnikaŭ. Voś niekalki kamientaroŭ z-pad jaho videa:
«Oj nu nie mahu:) Ad śmiechu płaču. Čakaju vašych videa ź vialikim zadavalnieńniem:) Heta śviata dla nastroju. Dziakuj vam»
«Brava ARTYSTU! Nastolki pieradaje pieražyvańni (rola) Piačonkina, inšy raz dumaješ, jak jamu dapamahčy paradami, vivat!»
«kłasny mužyk, u Maskvie ź im fotkaŭsia»
«ja dumaŭ, jon u Polščy z usimi»
«Jak ža ja vas abažaju:) Sustrakalisia mimalotam u Aleksandryi, Vy taki hałantny, pryjemny mužčyna:) Što ŭ žyćci, što na ekranie:)»
Znajści niehatyŭnyja vodhuki na staroncy Jaŭhiena składana – ich u dziasiatki, kali nie ŭ sotni razoŭ mienš, čym kamplimientaŭ u bok akciora. Musić, heta abumoŭlena ŭ tym liku i pavahaj da dabradušnaha biełarusa, a mahčyma, da jaho tyktok-staronki prosta dabirajucca tolki najbolš addanyja fanaty. Adnak niekalki kamientaroŭ niezadavolenyja (ci nie całkam zadavolenyja) hledačy ŭsio ž taki pakinuli:
«Dziadzia Ženia, troški zaciahnuta, a tak — kłas)»
«Vy pajšli dalej za Pietrasiana. U jaho hidocie i ŭjab….ci. Mnie za Vas soramna».
«Hetuju mud….ku niechta słuchaje?»
«voś tolki nie zrazumieju, vy za čyrvonych ci za biełych? u nas u dziacinstvie ŭsio zrazumieła było. A vy kaho?»
«Naša Niva» — bastyjon biełaruščyny
PADTRYMAĆBiełaruskija 1990-ja: zhadvajem hierojaŭ epochi
Jaŭhien Kryžanoŭski, jaki braŭ šlub piać razoŭ: Nivodnaja žonka nie znajšła mnie zamienu!
Parodyja dla darosłych: biełarusam pakazali, čym zajmajucca błohiery VIDEA
Ciapier čytajuć
Pra što maŭčyć Alaksiej Franckievič, jakomu Polšča zakryła ŭjezd na 10 hadoŭ10
Pra što maŭčyć Alaksiej Franckievič, jakomu Polšča zakryła ŭjezd na 10 hadoŭ
Na aŭtašou ŭ Lidzie ledź nie zahinuŭ adzin z samych znakamitych kaskadzioraŭ Biełarusi — jaho videa sabrali amal paŭmiljarda prahladaŭ. Što ź im ciapier?66
Kamientary