U Minsku zatrymali ekstremałaŭ-«začepieraŭ». Ich prymusili prybirać vakzał
U Minsku zatrymali 24-hadovaha žychara stalicy i 20-hadovaha žychara Viciebska, jakija prakacilisia zvonku na ciahniku.
«Maładyja ludzi zaskočyli na ruchomy sastaŭ i prajechali zvonku ciahnika nievialikuju adlehłaść, paśla čaho źnikli. Kab nie być paznanymi, jany vykarystoŭvali miery kanśpiracyi. Svaju pajezdku chłopcy zapisvali na videa, jakim padzialilisia ŭ tematyčnaj hrupie mesendžara», — raspaviali ŭ staličnaj milicyi.
Infarmacyja pra «začepieraŭ» pastupiła ŭ milicyju ad ciahnikovaj bryhady. Maładym ludziam pa zakonie pahražaŭ štraf da 3 bazavych vieličyń. Ale, jak paviedamiła milicyja, «vykazali žadańnie akazać dapamohu ŭ naviadzieńni paradku na terytoryi vakzała».
Kamientary