Plamy ad soku sadaviny i jahad — raspaŭsiudžanaja prablema. Čysta my narakajem na dziaciej, što jany nie akuratnyja, ale i sami pieryjadyčna stavim plamy na adzieńni, asabliva kali sadavina ci jahada vielmi sakavityja. Voś niekalki paradaŭ, jak ad ich pazbavicca.
Daśviedčanyja haspadyni rajać nikoli nie zamyvać plamu myłam. Pry kantakcie ź im sok tolki zamacujecca na tkaninie.
Kipień
Kali ŭ vas śviežaja plama, to dapamoža kipień. Naciahnicie častku svajho adzieńnia, dzie ŭtvaryłasia plama (papiarednie vyviernuŭšy na levy bok) tak, kab jana nie pravisała, naprykład, nad hłybokaj talerkaj ci miskaj. Zatym palicie heta miesca kipniem, pakul nie źniknie plama. Paśla pamyjcie reč zvyčajnym čynam.
Hety sposab nie padydzie dla dalikatnych tkanin, bo kipień moža ich paškodzić.
Sol
Kali niama mahčymaści vykarystać kipień, to dapamoža sol. Nasypcie jaje na plamu i trochi ŭtrycie. Dla ŭzmacnieńnia efiektu možna dadać našatyrny śpirt ci hliceryn. Pakińcie chvilin na 15, a paśla prybiarycie sol i pamyjcie reč u chałodnaj vadzie.
Vocat
Dobrym srodkam baraćby ź plamami źjaŭlajecca stałovy 9% vocat. Pramočanuju im plamu pakidajuć u zaležnaści ad zabrudžańnia na 5-30 chvilin. Možna całkam zamačyć reč u vocacie, a zatym pramyvać chałodnaj vadoj i pamyć jak zvyčajna.
Pierakis vadarodu
Hety sposab padydzie tolki dla biełych rečaŭ. Plama zmočvajecca pierakisam vadarodu (možna vykarystać vodny rastvor) i pakidajecca na 10 chvilin. Zatym reč pałoščacca ŭ chałodnaj vadzie i adrazu myjecca.
Plamy ad čornych parečak dapamoža vyvieści rastvor pierakisu vadarodu i našatyrnaha śpirtu (1 da 1). Im zmočvajecca zabrudžanaje miesca i pakidajecca da toj pary, pakul plama nie źniknie. Zatym reč pałoščacca ŭ chałodnaj vadzie.
Limonny sok
Kali plama nievialikaja i śviežaja, to jaje možna apracavać limonnym sokam. Lepš za ŭsio jon spravicca ź jabłyčnym sokam.
Kali ž plama vialikaja i ŭžo paśpieła vysachnuć, to dapamoža rastvor limonnaj kisłaty, vocatu i vady. U šklanku vady (200 mł) dadajuć dźvie čajnyja łyžki vocatu i adnu čajnuju łyžku limonnaj kisłaty. Rastvoram pracirajuć plamu, a zatym reč myjuć jak zvyčajna.
«Nie mohuć mnie sustaŭ adramantavać». Łukašenka pryznaŭsia, što jamu ŭžo ciažka chadzić15
Kamientary