U pieršym paŭhodździ 2024 hoda Biełaruś zaniała 54 miesca ŭ indeksie złačynnaści pa viersii Numbeo, piša thinktanks.by. Partał Numbeo farmiruje rejtynhi na asnovie apytańniaŭ karystalnikaŭ sajta za apošnija 36 miesiacaŭ.
Dla składańnia Crime Index ekśpierty ŭličvali takija pakazčyki, jak ahulnaje ŭsprymańnie ŭzroŭniu złačynnaści, adčuvańnie biaśpieki, zaniepakojenaść z nahody kankretnych złačynstvaŭ, acenka ŭzroŭniu złačynstvaŭ suprać ułasnaści, acenka ŭzroŭniu hvałtoŭnych złačynstvaŭ.
Dla acenki krain vykarystoŭvajecca škała ad 0 da 100. Stvaralniki rejtynhu ličać, što adznaka nižej za 20 adpaviadaje krainam ź vielmi nizkim uzroŭniem złačynnaści, ad 20 da 40 — ź nizkim, ad 40 da 60 — z umieranym, ad 60 da 80 — z vysokim, a vyšej za 80 — ź vielmi vysokim.
Biełaruś — adna z samych niebiaśpiečnych krain Jeŭropy
Da 2020 hoda Biełaruś abhaniała nie tolki susiednija krainy, ale i mnohija jeŭrapiejskija pa ŭzroŭni biaśpieki. Naprykład, u pačatku 2020 hoda indeks złačynnaści ŭ Biełarusi aceńvaŭsia ŭ 24,99 bała, tady jak Polšča znachodziłasia na adznacy ŭ 28,5 bała, Litva — u 33,06 bała, Łatvija — u 36,95 bała, Rasija — u 41,12 bała, Ukraina — u 48,85 bała.
Adnak užo ŭ pačatku 2021 hoda indeks złačynnaści ŭ Biełarusi rezka ŭzros da adznaki ŭ 60,27. Z kožnym hodam hety pakazčyk patrochu źnižajecca, ale
na momant pieršaha paŭhodździa 2024 hoda Biełaruś pa-raniejšamu zastajecca adnoj z samych niebiaśpiečnych krain Jeŭropy z pakazčykam 50,6 bała. Vyšej siarod jeŭrapiejskich krain — tolki ŭ Francyi (55,3 bała).
Biełaruś i susiedzi
U pieršym paŭhodździ 2024 hoda Biełaruś zaniała ŭ rejtynhu 54-je miesca z pakazčykam 50,6 bała. U paraŭnańni z 2023 hodam naša kraina krychu palepšyła svaje pazicyi. U pieršym paŭhodździ minułaha hoda Biełaruś nabrała 51,4 bała.
Bližej za ŭsio da Biełarusi apynułasia Ukraina, nabraŭšy 46,8 bała. Dalej idzie Rasija z pakazčykam 38,9 bała. Łatvija nabrała 37,3 bała, Litva — 32,5 bała, Polšča — 29,1 bała. U paraŭnańni ź minułym hodam svaje pakazčyki krychu palepšyli Rasija i Litva.
Samyja niebiaśpiečnyja krainy śvietu
Trojka samych niebiaśpiečnych krain śvietu źviedała nievialikija źmieny. Kali ŭ 2023 hodzie ŭ jaje ŭvachodzili Vieniesueła, Papua — Novaja Hvinieja i Afhanistan, to ŭ 2024 hodzie Haici pamianiałasia z Afhanistanam miescami, zaniaŭšy treciuju pazicyju ŭ antyrejtynhu.
U pieršym paŭhodździ 2024 hoda Vieniesueła nabrała 80,9 bała, Papua — Novaja Hvinieja — 80,1 bała, Haici — 78,7 bała.
Minsk apynuŭsia ŭ topie samych tannych haradoŭ śvietu — za žyllo treba płacić u 10 razoŭ mienš, čym u Ńju-Jorku
Biełaruś i Minsk patrapili ŭ suśvietny rejtynh koštaŭ na kvatery. Na jakich miescach?
Minsk uvajšoŭ u trojku samych kryminalizavanych haradoŭ Uschodniaj Jeŭropy
U Biełarusi samaje tannaje taksi ŭ Jeŭropie
Čały: Čym daŭžej Łukašenka marudzić z vybarami, tym bolš arhumientaŭ, kab jamu nie iści15
Kamientary
Vy žie pytajetieś byť žurnalistami? Vam li nie znať, kak provodiatsia oprosy ;))
Kstati, zabyli śpiecialno pro Franciju i Bielhiju?;))