Rasijskija realii: hienprakuror pryjšoŭ u parłamient i aryštavaŭ sienatara za arhanizacyju zabojstva
Kaliści hety sienatar Dźmitryj Savieljeŭ stvaraŭ Partyju pravoŭ čałavieka, a ciapier paprasiŭ zabić u turmie svajho byłoha biznes-partniora.
Šarahovaje pasiedžańnie rasijskaha Savieta Fiederacyi padychodziła da svajho zaviaršeńnia, z čymści vinšavali śpikierku Valancinu Maćvijenka, jak raptam u zału zajšoŭ hienieralny prakuror Rasii Ihar Krasnoŭ. U hety momant tranślacyja abarvałasia, ale pačałosia šou.
Krasnoŭ źviarnuŭsia da sienataraŭ z prośbaj źniać niedatykalnaść ź sienatara Dźmitryja Savieljeva. Pačuŭšy heta, Savieljeŭ rvanuŭ na vychad, ale pradkazalna daloka nie ŭciok. Siłaviki zatrymali jaho.
Jak vyjaviłasia, Savieljeva abvinavačvajuć u sprobie zakaznoha zabojstva. Jaho biznes-partnior Ijonaŭ rastraciŭ srodki ich naftavaj kampanii i trapiŭ za kraty. Ale sienatar paličyŭ, što pakarańnie niedastatkovaje, i vyrašyŭ zabić jaho ŭ turmie. Sienatar znajšoŭ byłoha supracoŭnika Fiederalnaj słužby vykanańnia pakarańnia, jaki pahadziŭsia vykanać zamovu za $100 tysiač. Adnak toj pieradumaŭ i pryjšoŭ u FSB.
Zabojstva Ijonava insceniravali — Savieljevu pakazali kartu vykliku chutkaj dapamohi i dakumient ab śmierci partniora. Kali pamočnik sienatara pieradaŭ hrošy kileru, usich udzielnikaŭ schiemy aryštavali.
«Maje siły skončylisia»: Valaryna Kustava raskazała, čamu źbiraje na dapamohu svajoj siamji5
Kamientary