U dziciačym sanatoryi na Kobrynščynie 37 čałaviek zachvareli na vostruju kišačnuju infiekcyju
U dziciačym reabilitacyjna-azdaraŭlenčym centry «Kołas», jaki znachodzicca ŭ Kobrynskim rajonie, vyjaŭlena 37 vypadkaŭ zachvorvańnia naravirusnaj (vostraj kišačnaj) infiekcyjaj: 33 ź ich u padletkaŭ i jašče 4 — u vychavalnikaŭ. Ciapier na miescy pracuje sanitarna-epidemijałahičnaja słužba sumiesna ź infiekcyjanistami, paviedamlaje Ministerstva achovy zdaroŭja.
«U bolšaści zachvorvańnie praciakaje ŭ lohkaj stupieni. Z 8 špitalizavanych u ciapierašni čas u infiekcyjnym adździaleńni Kobrynskaj CRB zastajecca 2 dziciaci i 1 darosły. Usiaho ŭ centry na azdaraŭleńni znachodzicca 587 čałaviek», — daje spravazdaču viedamstva ŭ telehram-kanale.
Pieršyja vypadki zachvorvańnia vyjavilisia ŭ dzień prybyćcia novaj źmieny dziaciej. Paśla infiekcyja raspaŭsiudziłasia kantaktna-bytavym šlacham.
Ministerstva achovy zdaroŭja ŭdakładniaje, što najaŭnaść virusa «nie źviazanaja z arhanizacyjaj charčavańnia na abjekcie» — łabaratornyja daśledavańni supracoŭnikaŭ charčabłoka, źniešniaha asiarodździa i praduktaŭ charčavańnia heta paćviardžajuć.
«Sanitarna-epidemijałahičnaj słužbaj arhanizavany i pravodzicca nieabchodny kompleks supraćepidemičnych i prafiłaktyčnych mierapryjemstvaŭ, u tym liku ŭzmocnieny kantrol za jakaściu praviadzieńnia prybirańniaŭ, zachavańniem asabistaj hihijeny piersanałam i dziećmi, arhanizavana miedycynskaje nazirańnie za kantaktnymi».
Minzdaroŭja: U Biełarusi vypadkaŭ zachvorvańnia vospaj małpaŭ nie zarehistravana
SAAZ pryznała mutavany štam vospy małpaŭ pahrozaj płanietarnaha maštabu. Što heta aznačaje?
«Maja žonka pamiraje». Biełarus šukaje donara kaściavoha mozha dla kachanaj
U Hrodnie ŭ dvuch dziaciej paśla ciažkaj formy kišačnaj infiekcyi stali nyrki
Kitaj paprasiŭ Biełaruś narmalizavać adnosiny z Polščaj — krynica6
Kamientary