У дзіцячым санаторыі на Кобрыншчыне 37 чалавек захварэлі на вострую кішачную інфекцыю
У дзіцячым рэабілітацыйна-аздараўленчым цэнтры «Колас», які знаходзіцца ў Кобрынскім раёне, выяўлена 37 выпадкаў захворвання наравіруснай (вострай кішачнай) інфекцыяй: 33 з іх у падлеткаў і яшчэ 4 — у выхавальнікаў. Цяпер на месцы працуе санітарна-эпідэміялагічная служба сумесна з інфекцыяністамі, паведамляе Міністэрства аховы здароўя.
«У большасці захворванне працякае ў лёгкай ступені. З 8 шпіталізаваных у цяперашні час у інфекцыйным аддзяленні Кобрынскай ЦРБ застаецца 2 дзіцяці і 1 дарослы. Усяго ў цэнтры на аздараўленні знаходзіцца 587 чалавек», — дае справаздачу ведамства ў тэлеграм-канале.
Першыя выпадкі захворвання выявіліся ў дзень прыбыцця новай змены дзяцей. Пасля інфекцыя распаўсюдзілася кантактна-бытавым шляхам.
Міністэрства аховы здароўя ўдакладняе, што наяўнасць віруса «не звязаная з арганізацыяй харчавання на аб'екце» — лабараторныя даследаванні супрацоўнікаў харчаблока, знешняга асяроддзя і прадуктаў харчавання гэта пацвярджаюць.
«Санітарна-эпідэміялагічнай службай арганізаваны і праводзіцца неабходны комплекс супрацьэпідэмічных і прафілактычных мерапрыемстваў, у тым ліку ўзмоцнены кантроль за якасцю правядзення прыбіранняў, захаваннем асабістай гігіены персаналам і дзецьмі, арганізавана медыцынскае назіранне за кантактнымі».
Мінздароўя: У Беларусі выпадкаў захворвання воспай малпаў не зарэгістравана
СААЗ прызнала мутаваны штам воспы малпаў пагрозай планетарнага маштабу. Што гэта азначае?
«Мая жонка памірае». Беларус шукае донара касцявога мозга для каханай
У Гродне ў двух дзяцей пасля цяжкай формы кішачнай інфекцыі сталі ныркі
«Таня, мы з табой!» Улады запусцілі флэшмоб у падтрымку жанчыны ў чырвона-зялёным ВІДЭА27
Каментары