Pra namier pašyryć zonu čakańnia pierad pamiežnym punktam «Brest» na biełaruska-polskaj miažy paviedamiła pres-słužba Dziaržaŭnaha mytnaha kamiteta.
«Užo ŭ vieraśni pačnucca raboty pa pašyreńni bolš čym u čatyry razy zony čakańnia pablizu punkta propusku. Ciapierašniaja placoŭka raźličanaja na 135 mašyna-miescaŭ, paśla rekanstrukcyi jaje mahčymaści dazvolać raźmiaścić 500 aŭto. Biełaruski bok pastajanna prymaje mahčymyja miery, kab takoje čakańnie zabiaśpiečyć kamfortnymi ŭmovami», — havorycca ŭ paviedamleńni.
Dziaržaŭny mytny kamitet adznačyŭ, što zakryćcio ŭsich punktaŭ propusku dla pasažyrskaha ruchu na biełaruska-polskaj miažy, akramia «Bresta», čakana surjozna adbivajecca na kolkaści ŭ čerhach lehkavych aŭto, jakija iduć na vyjezd ź Biełarusi.
Paviedamlajecca, što niadaŭna terytoryja punkta propusku «Brest» była abnoŭlenaja — źjaviŭsia fud-trak, a na zialonaj zonie abstalavanyja miescy dla adpačynku hramadzian, zabiaśpiečanyja aśviatleńniem i zručnymi spuskami.
Kamientary