26 lutaha na biełaruska‑litoŭskaj miažy ŭ rajonie pahranpierachodu «Pryvałka» ŭźnikła vialikaja čarha z aŭtamabilaŭ.
Jak paviedamiŭ BiełaPAN śviedka, jaki nakiroŭvajecca ŭ Biełaruś ź Litvy na aŭtamabili,
jon čakaje afarmleńnia ŭžo bolš za try hadziny, u toj čas jak afarmleńnie na litoŭskim baku zaniało niekalki chvilin.
Kamientujučy situacyju, načalnik pres‑centra Dziaržaŭnaha pahraničnaha kamiteta Alaksandr Ciščanka vykazaŭ mierkavańnie, što ŭźniknieńnie čarhi źviazana z novymi praviłami časovaha ŭvozu aŭtamabilaŭ z trecich krain na terytoryju cajuznaj dziaržavy Biełarusi i Rasii, jakija ŭvajšli ŭ siłu 25 lutaha.
U adpaviednaści z pahadnieńniem pamiž uradami Biełarusi i Rasii z 25 lutaha mytnaje afarmleńnie transpartnych srodkaŭ, jakija zarehistravanyja ŭ zamiežnaj dziaržavie i časova ŭvoziacca na mytnyja terytoryi Respubliki Biełaruś abo RF, pavinna ažyćciaŭlacca na źniešniaj mytnaj miažy cajuznaj dziaržavy. U dakumientach pavinien być ustanoŭleny termin časovaha ŭvozu.
«Heta novaja pracedura dla transpartu, jana mahła źlohku pavialičyć čas mytnaha afarmleńnia», — skazaŭ Ciščanka. Pavodle jaho słoŭ, z boku pamiežnikaŭ afarmleńnie pravodzicca ŭ zvyčajnym režymie,
«nijakaj krytyčnaj situacyi niama».
Načalnik pres‑centra taksama zaŭvažyŭ, što čarha na miažy moža być źviazanaja z tradycyjnym pavieličeńniem patoku mašyn napiaredadni vychadnych.
Ciapier čytajuć
Byłoha milicyjaniera asudzili za žadańnie vajavać u Pałku Kalinoŭskaha. Pahražała da 15 hadoŭ kałonii16
Kamientary