U pačatku tydnia - daždžy, potym jany spyniacca.
U pieršuju pałovu tydnia pad upłyvam atmaśfiernaha frontu i vilhotnych mas, jakija pastupajuć z Čornaha mora, nadvorje ŭ Biełarusi abiacaje być niaŭstojlivym, paviedamiła hałoŭny sinoptyk Respublikanskaha hidramieteacentra Volha Fiadotava.
Na bolšaj častcy terytoryi krainy projduć karotkačasovyja daždžy. U načnyja i ranišnija hadziny ŭ asobnych rajonach zhuścicca tuman. Tempieratura pavietra budzie vahacca ad 1 da 8 hradusaŭ ciapła, a dniom rtutny słupok termomietra budzie dasiahać adznaki plus 8‑14 hradusaŭ. U paŭdniova‑ŭschodnich rajonach pavietra prahrejecca da 16 hradusaŭ.
U čaćvier i piatnicu atmaśfierny cisk pačnie raści, u asnoŭnym budzie biez apadkaŭ. Tolki nočču va ŭschodnich rajonach projduć nievialikija daždžy. U ranišnija hadziny ŭ asobnych rajonach zhuścicca tuman. Načnaja tempieratura krychu źnizicca i budzie znachodzicca ŭ miežach ad minus 3 da plus 4 hradusaŭ. U dzionnyja hadziny čakajecca ad 8 da 14 hradusaŭ ciapła, pa poŭdni krainy — da plus 16 hradusaŭ.
Pavodle papiarednich raźlikaŭ, u subotu, 10 krasavika, u bolšaści rajonaŭ istotnych apadkaŭ nie čakajecca.
Tolki na paŭnočnym zachadzie respubliki pad upłyvam atmaśfiernaha frontu, jaki pieramiaščajecca z Bałtyjskaha mora, projduć karotkačasovyja daždžy.
U niadzielu, 11 krasavika, daždžy prahnazujucca ŭ asobnych rajonach. U ranišnija hadziny mahčymy tumany. Tempieratura pavietra nočču budzie vahacca ad minus 3 da plus 5 hradusaŭ. Dniom u subotu čakajecca 8‑15 hradusaŭ ciapła, a ŭ Bresckaj i Homielskaj abłaściach pavietra prahrejecca da 17 hradusaŭ.
U cełym čakany na hetym tydni tempieraturny režym na 1‑8 hradusaŭ budzie pieravyšać klimatyčnuju normu, adznačyła hałoŭny sinoptyk Respublikanskaha hidramieteacentra.
Ciapier čytajuć
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić3737
Kamientary