U ZŠA sud spyniŭ budaŭnictva inicyjavanaj Trampam novaj balnaj zały ŭ Biełym domie
Rašeńnie ab prypynieńni budaŭnictva pryniaŭ fiederalny sudździa Ryčard Lean paśla pazovu Nacyjanalnaha fondu zachavańnia histaryčnaj spadčyny. Hetaja arhanizacyja ličyć, što prezident ZŠA pieravysiŭ svaje paŭnamoctvy, kali rasparadziŭsia źnieści častku budynka biez dazvołu Kanhresa.
Sudździa padkreśliŭ, što prezident nie źjaŭlajecca ŭładalnikam Biełaha doma, a tolki časova kiruje im u intaresach budučych pakaleńniaŭ. Tamu takija značnyja źmieny, jak znos častki budynka i novaje budaŭnictva, pavinny ŭzhadniacca z Kanhresam. Pavodle jaho acenki, jość vysokaja vierahodnaść, što pazoŭniki vyjhrajuć spravu.
U vyniku sud pastanaviŭ prypynić budaŭničyja raboty da razhladu spravy pa sutnaści. Rašeńnie pačnie dziejničać praz 14 dzion, i za hety čas administracyja prezidenta moža jaho abskardzić.
Sam Tramp užo zajaviŭ, što nie zhodny z takim rašeńniem i maje namier zmahacca ź im u sudzie.
Havorka idzie pra maštabny prajekt: na miescy častkova źniesienaha Uschodniaha kryła Biełaha doma (jakoje isnuje z pačatku XX stahodździa) płanujecca pabudavać vialikuju balnuju zału. Spačatku jana raźličvałasia prykładna na 500 čałaviek, ale paźniej prajekt značna pavialičyli — da kala 1350 haściej.
Košt budaŭnictva aceńvajecca prykładna na 400 miljonaŭ dalaraŭ. Pavodle zajaŭ Biełaha doma, sama zała budzie finansavacca pryvatnymi donarami, ale pad joj płanujecca jašče i budaŭnictva vajskovaha kompleksu, jaki ŭžo budzie apłačvacca ź dziaržaŭnaha biudžetu.
Sudździa taksama adznačyŭ, što jašče nie pozna atrymać aficyjnaje ŭchvaleńnie Kanhresa. Mienavita Kanhres, pavodle zakona, kantraluje dziaržaŭnuju majomaść i vydatki, tamu kančatkovaje rašeńnie pa takich prajektach pavinna prymacca ź jaho ŭdziełam.
«Dyk dadomu zabiary ałkaša abascanaha i vychodžvaj». Małady zahadčyk adździaleńnia balnicy nie strymlivaje siabie ŭ vyrazach u sacsietkach21
Kamientary