Nazvać rejsy, jakija nie buduć vykonvacca z červienia pa kastryčnik, u Lufthansa paabiacali ŭ kancy krasavika.
Fłahmanski avijapieravozčyk Hiermanii Lufthansa skasuje 20 tysiač rejsaŭ z červienia da kastryčnika 2026 hoda, kab zekanomić avijacyjnaje paliva na fonie kryzisu enierhanośbitaŭ, vyklikanaha vajnoj ZŠA i Izraila ź Iranam, piša Deutsche Welle.
Pradstaŭniki Lufthansa ličać, što skasavańnie
hetych rejsaŭ dazvolić zekanomić bolš za 40 tysiač ton paliva. Pry hetym efiektyŭnaść avijakampanii, jakaja aceńvajecca ŭ dastupnych pasažyra-kiłamietrach (hety pakazčyk roŭny kolkaści dastupnych miescaŭ, pamnožanaj na kolkaść kiłamietraŭ, pieraadolenych transpartnym srodkam), źmienšycca mienš čym na adzin pracentny punkt. Hetaha, jak śćviardžajuć u Lufthansa, udasca dasiahnuć za košt skaračeńnia blizkamahistralnych «nierentabielnych maršrutaŭ» z Frankfurta-na-Majnie i Miunchiena pry adnačasovym pašyreńni isnych rejsaŭ ź Ciurycha, Vieny i Brusiela. Źmieny zakranuć i šosty chab kampanii — u Rymie.
Nazvać rejsy, jakija nie buduć vykonvacca z červienia da kastryčnika, u Lufthansa paabiacali ŭ kancy krasavika. Pry hetym kampanija ŭžo ciapier pravodzić admieny palotaŭ, zapłanavanych na daty da 31 maja.
Naprykład, 20 krasavika Lufthansa skasavała pieršyja 120 štodzionnych rejsaŭ. Časova spynieny pieraloty z Frankfurta-na-Majnie ŭ polskija Bydhašč i Žešuv, a taksama ŭ narviežski Stavanhier.
Ciapier čytajuć
Stali viadomyja padrabiaznaści pra trahiedyju ŭ Połackim manastyry16
Stali viadomyja padrabiaznaści pra trahiedyju ŭ Połackim manastyry
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary