Rudaja koška, jakaja stała talismanam muzieja ŭ Viciebsku, ciapier sustrakaje naviedvalnikaŭ razam z kacianiatami FOTY
Try miesiacy tamu biełaruskija ŚMI paviedamlali pra biazdomnuju košku, jakaja pryciahvaje žycharoŭ Viciebska ŭ miascovy Muziej sučasnaha mastactva. Ciapier ža ŭ hetaj historyi źjaviŭsia praciah, piša vydańnie Times.by.
Pra toje, jak hetaja koška sama trapiła ŭ muziej, raniej raskazvała zahadčyca Muzieja sučasnaha mastactva Nina Babrovič.
«Zaprykmiecili rudoje kaciania 14 lipienia: bieznahladna biehała pa hazonach kala budynka muzieja i žałasna miaŭkała, ale dzičyłasia i ŭ ruki nie davałasia. Stali małoje padkormlivać i pacichu pryručyli. Nazvali Marselem — u honar lehiendarnaha francuzskaha mima Marso. Potym naša puchnataje dziva vyrasła — i akazałasia, što heta cudoŭnaja łedzi. Ale pierajmianoŭvać užo nie stali».
Marsel možna nazvać paŭnapraŭnym supracoŭnikam muzieja. Jana sustrakaje haściej na resepšn — tam u jaje jość śpiecyjalny dyvanok, a zatym supravadžaje ekskursijnyja hrupy.
«Žyvie jana ŭ zale, dzie raźmiaščajucca karciny mastaka-avanhardysta Alaksandra Sałaŭjova, — dadaje surazmoŭca. — Žartujem, što heta nie dziŭna: vybirała apartamienty pad koler futra. U pałotnach majstra šmat sakavitych ryžych i čyrvonych adcieńniaŭ, jakija vydatna spałučajucca ź jarkim futram našaj Marsel».
A 1 krasavika puchnataja supracoŭnica naradziła čatyroch kacianiat — dvuch rudych i dvuch čornych. Jany ŭžo padraśli i prymajuć haściej naroŭni z mamaj.
«U ich śpiecyjalny valjer z aharodžaj, ź jakoha jany nie mohuć pabiehčy ŭ roznyja baki, — udakładniaje Nina Babrovič. — Ale časam vypuskajem na nievialiki podyum, dzie jany prahulvajucca na radaść i zamiłavańnie naviedvalnikaŭ».
Usim małym užo znajšli budučych haspadaroŭ — supracoŭniki muzieja «zabraniravali» sabie hadavancaŭ, ale pakul kacianiatam nie spoŭnicca dva miesiacy, jany buduć u mamy pad puchnatym bokam.
«Mahčyma, niechta z małych i zastaniecca — praciahvać dynastyju muziejnych zachavalnikaŭ, — kaža surazmoŭnica. — Taki varyjant razhladajem, kali raptam myšy vyrašać zamachnucca na mastactva. Na try pavierchi plus padvalnaje pamiaškańnie sił adnoj Marsel nie chopić».
Pakul ataki hryzunoŭ nie zdarałasia, i samaja bujnaja zdabyča rudoj koški — žučki-pavučki. Tamu i asnoŭnaja pasada ŭ Marsel — usieahulnaja ŭlubionka, a nie słužba achovy ekspanataŭ.
Ubačyć kacinuju siamju ŭ poŭnym składzie možna jašče minimum miesiac.
U Kryčavie kotka dapamahaje kurycy dahladać kuraniat VIDEA
Ci treba płacić padatak za katoŭ? Biełaruska raspaviała pra niečakany vizit milicyi
U Aŭstryi chłopca sudzili za toje, što adpraviŭ u Hiermaniju paštovaj pasyłkaj žyvuju kotku
Biełaruska, jakaja vodzić tramvaj va Urocłavie, padčas źmieny vyratavała biazdomnuju košku i ciapier šukaje joj haspadaroŭ
Ciapier čytajuć
Chitry rasijanin Jaŭhien z žonkaj i małym prydumali, jak biaspłatna pažyć u kvatery biełaruski19
Chitry rasijanin Jaŭhien z žonkaj i małym prydumali, jak biaspłatna pažyć u kvatery biełaruski
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ2020
Kamientary
dyk jany na vystavu zaprašajuć ci na kocikaŭ?