Kiroŭca, jaki kiravaŭ mikraaŭtobusam ź biełaruskimi turystami ŭ Hruzii, nie mieŭ adpaviednych pravoŭ
U Hruzii prakuratura vystaviła abvinavačańnie kiroŭcu mikraaŭtobusa, jaki 12 žniŭnia trapiŭ u ciažkuju avaryju ŭ municypalitecie Azurhieci. U vyniku DTP zahinuli čatyry biełarusy, jašče 15 atrymali traŭmy.
Pavodle materyjałaŭ śledstva, kiroŭca nie mieŭ adpaviednaha dazvołu na pieravozku takoj kolkaści pasažyraŭ, ale ŭsio roŭna pieravoziŭ turystaŭ. Na 16‑m kiłamietry darohi jon nie spraviŭsia z kiravańniem, mikraaŭtobus źjechaŭ z prajeznaj častki, upaŭ z abryvu i ŭrezaŭsia ŭ dreva.
Kiroŭcu zatrymali. Jamu vystavili abvinavačańnie ŭ parušeńni praviłaŭ darožnaha ruchu, jakoje pryviało da hibieli bolš jak dvuch čałaviek. Pavodle hruzinskaha zakanadaŭstva, hetamu čałavieku moža pahražać da 10 hadoŭ pazbaŭleńnia voli. Prakuratura chadajničaje ab jahonym aryšcie.
Mikraaŭtobus pieravoziŭ biełaruskich turystaŭ. U avaryi zahinuli čatyry hramadzianiny Biełarusi, jašče 15 čałaviek atrymali traŭmy, siarod ich byli šaściora niepaŭnaletnich.
Pa stanie na viečar 14 žniŭnia čaćviora paciarpiełych užo pakinuli balnicy: adzin čałaviek byŭ vypisany z Respublikanskaj kliniki ŭ Batumi, jašče troje — z balnicy ŭ Čachataury. Astatnija paciarpiełyja zastajucca pad nahladam miedykaŭ. Pa słovach biełaruskaha pasła ŭ Hruzii Mikałaja Rahaščuka, ciažkich pacyjentaŭ siarod ich niama, ich stan aceńvajecca jak stabilny.
Čatyroch biełarusaŭ, jakija paciarpieli ŭ DTZ u Hruzii, užo vypisali z balnic
Hruzinskija daktary raskazali pra stan paciarpiełych u avaryi biełarusaŭ
«Dreva napałovu bus złamała». Stali viadomyja novyja padrabiaznaści trahičnaha zdareńnia ź biełaruskimi turystami ŭ Hruzii
U Hruzii zatrymali kiroŭcu mikraaŭtobusa, u jakim zahinuli biełarusy. Pierad śmiarotnym DTZ jon vyskačyŭ ź jaho
U śmiarotnym DTZ ź biełarusami ŭ Hruzii 15 čałaviek atrymali traŭmy, siarod ich — dzieci
U Hruzii ŭ avaryi zahinuli čatyry biełarusy
Kamientary
Ú varožaje kryminalnaje asiarodździe !