Skandalna viadomaja sietka dastaŭki sušy «Jobidajobi» pamianiała nazvu
Novaja nazva ŭžo źjaviłasia na aficyjnym sajcie i ŭ mabilnym dadatku kampanii. Ciapier sietka budzie nazyvacca «Jojojoiojoiojoio», piša RBK.
Pierachod kampanii na novy brend budzie adbyvacca pastupova: spačatku nazvu pamianiali ŭ internecie, paśla jana źjavicca ŭ rekłamie, a šyldy na samich ustanovach zamieniać u apošniuju čarhu.
U kampanii tłumačać rebrendynh novaj stratehijaj raźvićcia. Pavodle pradstaŭnikoŭ sietki, novaje najmieńnie ŭžo daŭno asacyjujecca z brendam. Staruju nazvu kampanija vykarystoŭvała na praciahu pieršych dziesiaci hadoŭ, kab pryciahvać uvahu i vyłučacca siarod kankurentaŭ, ale ciapier płanuje pašyrać aŭdytoryju i hieahrafiju pracy.
Źmiena nazvy taksama maje daŭniuju sudovuju historyju. U 2023 hodzie Arbitražny sud Krasnajarskaha kraja abaviazaŭ sietku admovicca ad nazvy «Jobidajobi». Sud paličyŭ, što jana moža asacyjavacca ź nienarmatyŭnaj leksikaj i supiarečyć ahulnapryniatym pryncypam humannaści i marali.
Pradstaŭniki kampanii śćviardžali, što «Jobidajobi» nibyta pierakładajecca ź japonskaj movy jak «dzień tydnia — subota», adnak u sudzie dokazy takoha pierakładu nie byli pradstaŭlenyja.
Hetaja sietka z pačatku 2025 hoda pracuje taksama i ŭ Biełarusi. Upieršyniu dastaŭka ad «Jobidajobi» zapracavała ŭ Homieli, praŭda, pad inšaj nazvaj — «Jo sušy i roły». Siońnia pad hetym brendam sietka pracuje ŭ siami rehijonach Biełarusi — u Baranavičach, Homieli, Słucku, Minsku, Mahilovie, Mazyry i Salihorsku. Što da tavarnaha znaka, to heta łahatyp dastaŭki ŭ vyhladzie litary «Jo».
Skandalnaja rasijskaja sietka hramadskaha charčavańnia «Jobidajobi» rehistruje svoj tavarny znak u Biełarusi
U Homieli adkryjecca pieršy punkt skandalnaj dastaŭki sušy «Jobidojobi»
Biełarusy zdymajuć vohniennyja parodyi na rolik sa školnikam, jaki pałoŭ bulbu — dałučylisia ratavalniki, mietrapaliten i «Kupałaŭcy» VIDEA
Kamientary