Ašukancy prydumali novuju schiemu padmanu z vykarystańniem zvyčajnych papiarovych listoŭ. Pra heta paviedamiŭ namieśnik načalnika ŭpraŭleńnia kryminalnaha vyšuku UUS Homielskaha abłvykankama Vadzim Barsuk.
Pavodle infarmacyi siłavikoŭ, spačatku čałaviek znachodzić u svajoj paštovaj skryncy list na nibyta aficyjnym błanku — z hierbam, podpisami i piačatkami. Praź niekalki dzion na elektronnuju poštu jamu prychodzić paviedamleńnie z takim samym tekstam, ale ŭžo sa spasyłkaj. Jana viadzie na padrobku aficyjnaha servisu.
Kali karystalnik uvodzić na takim sajcie łahin i parol, hetyja źviestki traplajuć da machlaroŭ. U milicyi adznačajuć, što papiarovy list stvaraje ŭražańnie nadziejnaści, a elektronnaje paviedamleńnie pavinna kančatkova pierakanać čałavieka. Schiema raźličanaja najpierš na tych, chto nie daviaraje ličbavym paviedamleńniam, ale vieryć zvyčajnaj pošcie.
Vadzim Barsuk papiaredziŭ, što pierachodzić pa spasyłcy z takoha lista nielha. U vyniku možna stracić piersanalnyja źviestki, łahin i parol ad ulikovaha zapisu, a taksama zarazić pryładu škodnasnaj prahramaj.
U milicyi rajać praviarać lubyja paviedamleńni niezaležna ad taho, u jakoj formie jany atrymanyja. Pierad rehistracyjaj na sajcie treba ŭvažliva pahladzieć na jaho nazvu ŭ adrasnym radku i karystacca tolki pravieranymi resursami.
Kamientary