Televyški ŭ Biełarusi: ukrainski ekśpiert rastłumačyŭ, čamu majaki na ich składaniej zahłušyć, čym GPS
Navihacyja praz majaki vykarystoŭvajecca ŭ rasijskich «Šachiedach» i rakietach, a sami majaki pieryjadyčna fiksujuć na toj ci inšaj terytoryi.
Zahłušyć takuju navihacyju składaniej, čym GPS, bo majaki mohuć kožny raz vykarystoŭvać inšyja častoty. Tamu najbolš nadziejny sposab baraćby ź imi — źniščeńnie. Pra heta ŭ padkaście RBK-Ukraina raskazaŭ suzasnavalnik kampanii Contra-Drone Cimafiej Jurkoŭ.
Adkazvajučy na pytańnie pra biełaruskija viežy i pra toje, ci praciahvajuć jany pracavać, Jurkoŭ adznačyŭ, što majaki pieryjadyčna fiksujucca na toj ci inšaj terytoryi.
Pavodle jaho słoŭ, navihacyja pa majakach vykarystoŭvajecca ŭ rasijskich «Šachiedach» i rakietach. Zahłušyć jaje składaniej, čym GPS, pakolki majaki mohuć kožny raz pracavać na roznych častotach.
U GPS viadomyja častoty L2 i L5, sihnał i sposab jaho hłušeńnia. Z majakami situacyja składaniejšaja: isnuje šerah prablem, praź jakija niemahčyma imhnienna vyznačyć ich paramietry i pačać hłušyć.
Tamu, pavodle słoŭ Jurkova, kali majaki źjaŭlajucca raptoŭna, heta moža stvaryć prablemy. Adnak kali častoty i prybliznaje miescaznachodžańnie ŭžo viadomyja, ich možna paśpiachova hłušyć.
Heta składanaja praca, i najbolš nadziejny sposab baraćby z majakami — ich źniščeńnie.
Raniej RBK-Ukraina pisała, što reaktyŭnymi «Šachiedami» nad Kijevam kirujuć praz televyški ŭ Biełarusi. Pavodle słoŭ ekśpierta, adna takaja vyška achoplivaje kala 140 kiłamietraŭ, a ŭzdoŭž miažy z Ukrainaj rasijanie płanujuć pabudavać prykładna 26 viežaŭ.
Pres-sakratar Pavietranych sił Juryj Ihnat tłumačyŭ, jak Rasija kiruje dronami praz mesh-sietki i ci isnuje pahroza z boku Biełarusi. Jon paviedamlaŭ, što rasijskija vojski mohuć vykarystoŭvać sami drony ŭ jakaści retranślataraŭ dla stvareńnia mesh-sietak.
Ciapier čytajuć
Advakat Alaksandr Danilevič: Mianie adviali ŭ kletku na KPP i začytali ŭkaz dla słužbovaha karystańnia pra pamiłavańnie pa prośbie Mižnarodnaha alimpijskaha kamiteta99
Kamientary
Sča, čuju, pribiežit Točka so svoimi "adno druhoha nie vyklučaje" i pročimi "nie vsie tak odnoznačno" i nahienierit 4 abzaca tumannoho kritičieskoho myšlenija.