Unutry — 38 cukierak i inšych prysmakaŭ ahulnaj vahoj 605 hramaŭ.
Da Novaha hoda jašče bolš za miesiac, ale niekatoryja biełarusy ŭžo palujuć na śviatočnyja padarunki. U sacsietkach aktyŭna abmiarkoŭvajuć navinku «Kamunarki» — muzyčnuju škatułku z cukierkami i prajektaram zornaha nieba. Adny chvalacca ŭdałym nabytkam, inšyja skardziacca, što znajści jaje ŭ kramach niaprosta. Zdajecca, u fabryki atrymaŭsia niečakany chit, piša Onliner.by.
Na dniach «Kamunarka» pradstaviła navahodni padarunak u vyhladzie kruhłaj blašanaj škatułki. Unutry — 38 cukierak i inšych prysmakaŭ ahulnaj vahoj 605 hramaŭ. Ale ŭvahu pakupnikoŭ pryciahnuła sama ŭpakoŭka: kali źniać nakryŭku, škatułka prajecyruje zornaje nieba, a pry pavarocie hraje miełodyju.
Košt navinki — 54,99 rubla. Pavodle infarmacyi vytvorcy, jana ŭžo pastupaje ŭ firmovyja kramy. Tym časam u sacsietkach źjaŭlajucca paviedamleńni pra toje, što škatułki chutka raskuplajuć. Adna z pakupnic raskazała, što paśpieła zabrać apošni ekzemplar u kramie na vulicy Čyrvonaj, 21.
— Heta było litaralna tak: «Uchapiła, ciotka lezła, chacieła zabrać hetyja dźvie». Apošniaja ź vitryny. Skazali, što ceły dzień ich pradajuć, było 150 štuk — usie razabrali. Moža, zaŭtra jašče buduć, ale heta nie dakładna, — napisała dziaŭčyna.
Praŭda, infarmacyja pra 150 pradadzienych škatułak pakul viadomaja tolki sa słoŭ pakupnicy.
Inšyja karystalniki ŭžo dzielacca fotazdymkami svaich nabytkaŭ.
— Hetuju škatułku mnie muž kupiŭ, — radujecca adna ź dziaŭčat.
— Zdajecca, dzieci atrymlivajuć cukierki, a baćki — nahodu ažyćciavić ułasnuju dziciačuju maru, — žartujuć u kamientarach.
Adnak ažyjataž spadabaŭsia nie ŭsim. Niekatoryja pakupniki niezadavolenyja tym, što navinku składana znajści ŭ prodažy, i zadajucca pytańniem, ci chopić jaje ŭsim achvotnym.
— Spačatku vy prezientujecie hetuju nievierahodnuju škatułku, a potym usio niejak cicha zacichaje. Skažycie, kali łaska, jana nie dla ŭsich?! Ci ŭsio ž taki čakać jaje ŭ kramach? — cikavicca adna z karystalnic.
Ciapier čytajuć
Advakat Alaksandr Danilevič: Mianie adviali ŭ kletku na KPP i začytali ŭkaz dla słužbovaha karystańnia pra pamiłavańnie pa prośbie Mižnarodnaha alimpijskaha kamiteta1010
Kamientary