Jeŭrakamisar pa pytańniach pašyreńnia i Jeŭrapiejskaj palitycy dobrasusiedstva Štefan Fiule, jaki naviedaŭ Minsk 8–9 lipienia, abmiarkoŭvaŭ situacyju z pravami čałavieka ŭ Biełarusi nie tolki na sustrečach z pradstaŭnikami hramadzianskaj supolnaści i liderami apazicyi, ale i pradstaŭnikami ŭłady, u tym liku z prezidentam Łukašenkam. Pra heta jon paviedamiŭ u intervju BiełaPAN.
Fiule zaznačyŭ, što «pakarystaŭsia pieršym aficyjnym vizitam u Biełaruś, kab nahadać: pavaha fundamientalnych pravoŭ i svabod — asnova palityki ES u adnosinach da susiedziaŭ i klučavy faktar raźvićcia dvuchbakovych adnosin».
«Tolki pavažajučy hetyja fundamientalnyja, usieahulnyja kaštoŭnaści, Biełaruś zmoža poŭnaściu pakarystacca patencyjałam, jaki prapanoŭvaje ES jak u miežach Jeŭrapiejskaj palityki dobrasusiedstva ŭ cełym, hetak i palityki „Uschodniaha partniorstva“ ŭ pryvatnaści», — skazaŭ Fiule.
Jak paviedamlałasia raniej, na sustrečy ŭ Minsku z pradstaŭnikami hramadzianskaj supolnaści i apazicyjnych partyj jeŭrakamisar zapeŭniŭ, što abmiarkuje z aficyjnymi strukturami situacyju z pravami čałavieka ŭ Biełarusi.
17 lipienia Alaksandr Łukašenka, kamientujučy sustreču sa Štefanam Fiule, paviedamiŭ žurnalistam: «Dziakuj bohu, my nie zakranali ni pytańni palityki hetaj, ni demakratyzacyi i h.d.».Pavodle słoŭ prezidenta, hałoŭnymi pytańniami pieramoŭ byli vizavy režym («čym našy hramadzianie pravinilisia pierad vami?»), «Uschodniaje partniorstva» i zona svabodnaha handlu («čamu vy błakirujecie našy tavary, my ž vašy nie błakirujem»).
«Dyk dadomu zabiary ałkaša abascanaha i vychodžvaj». Małady zahadčyk adździaleńnia balnicy nie strymlivaje siabie ŭ vyrazach u sacsietkach24
Kamientary