Samy talenavity biełaruski futbalist znoŭ pierabirajecca na Tumanny Albijon.
Samy talenavity biełaruski futbalist znoŭ pierabirajecca na Tumanny Albijon. Alaksandr Hleb addadzieny ŭ hadavuju arendu kłubu Premjer‑lihi «Birminhiem Sici».
Zdavałasia b, hetaja epapieja ź pierachodam Hleba nie skončycca nikoli. Jašče ŭviesnu biełarus pakinuŭ stan niamieckaha «Štutharta», paśla čaho viarnuŭsia ŭ ispanskuju «Barsiełonu», jakoj naležyć pa kantrakcie.
Trenier katałoncam Chase Hvardyjoła ŭsialak davaŭ zrazumieć, što nie choča bačyć Hleba ŭ składzie svajoj družyny. Jaho nie ŭklučali navat u zajaŭki tavaryskich matčaŭ. Tym nie mienš, ahient futbalista praciahvaŭ śćviardžać, što miesca Alaksandru tolki ŭ słavutaj «Barsiełonie».
Jak by toje ni było, ale paviedamleńni pra novy kantrakt Hleba źjaŭlalisia štotydzień. Kudy jaho tolki nie svatali — «Astan Viła», «Fułchem», «Livierpul», «Totenchem», «Miłan», «Bavaryja», «Inter», «Sievilja», «Biešyktaš».
U apošni momant uspłyŭ varyjant z partuhalskaj «Bienfikaj». Rasijskaja i Anhlijskaja Vikipiedyi navat užo paśpieli napisać, što biełarus pierajšoŭ u hety kłub.
Ale ŭ toj samy dzień vypłyła infarmacyja, što Saša ŭ «Birminhiemie». Pozna ŭviečary byli ŭzhodnienyja detali kantraktu.
«Birminhiem» — heta nie hrand anhlijskaha futbołu. Kamanda ni razu nie była čempijonam krainy. Tolki adnojčy jany vyjhravali Kubak Lihi.
Paśla vajny ŭ Birminhiemie byŭ utvorany biełaruski emihracyjny asiarodak. Navat dziejničaŭ prychod Žyrovickaj Božaj Maci ŭ Birminhiemie.
Što da futbolnych spravaŭ, to heta nie adzinaja kamanda ŭ horadzie. Pryncypovaje značeńnie nosiać matčy z «Astan Viłaj».
Paśla troch turaŭ čempijanatu Anhlii «Birminhiem» zajmaje šostaje miesca, majučy piać punktaŭ. Letaś kamanda zaniała dzieviatuju pazicyju.
«Birminhiem» — heta piaty kłub u karjery Hleba. Raniej jon vystupaŭ za BATE, «Štuthart», «Arsienał» (Łondan), «Barsiełonu».
Ciapier čytajuć
Deputatka, jakaja rychtuje pryhažuń dla Łukašenki, vyjšła zamuž20
Kamientary